Башҡортостан һәм Өфө яңылыҡтары
91.33
+0.49
98.72
+0.18
83.39
+1.48
-11 °C
Болотло
Бөтә яңылыҡтар
Йәмғиәт
22 Июнь 2021, 12:20

Бөгөн республикала коронавирусҡа бәйле сикләүҙәрҙең бер өлөшө көсөнә инде

Валерий Шахов
Валерий Шахов
Башҡортостанда спорт һәм культура учреждениеларына ҡарата коронавирус сикләүҙәре көсөнә инде. Бөгөндән музейға, күргәҙмәгә, китапханаға, театрға, кинотеатрға, концерт залына, мәҙәниәт һарайына, төнгө клубҡа, күмәк кеше ҡатнашҡан физкультура һәм спорт сараларына (ябыҡ биналарҙа) түбәндәге белешмәләр менән генә инергә мөмкин:
— вакцинация тураһында сертификат (шул иҫәптән беренсе компонент менән),
— ПЦР-тестың кире һөҙөмтәһе тураһында белешмә (ул 72 сәғәт ғәмәлдә),
— һеҙгә прививка яһатырға ярамауы тураһында табиптан белешмә.
Был ҡағиҙәләр 18 йәшкә тиклемге балаларға ҡағылмай.
Бынан тыш, республикала битлек режимын һәм социаль дистанцияны һаҡлауға контроль көсәйтелә. Халыҡ күпләп йыйылған урындарға, шул иҫәптән майҙандарҙа, парктарҙа, скверҙарҙа, аллеяларҙа йөрөргә тәҡдим ителмәй. Был талап 2 июлгәсә ғәмәлдә.
29 июндән әлеге талаптар дөйөм туҡланыу (50 урынлыҡтан башлап), спорт учреждениеларына, матурлыҡ салондарына, студент ятаҡтарына, ҡала-ара пассажир ташыуға, «Орлан» поезына ҡағыла.
Башҡортостанда яңы коронавирус сикләүҙәре хаҡында тулыраҡ бында уҡығыҙ.
Автор:«Башинформ» мәғлүмәт агентлығы
Читайте нас в