Өфө ике көнгә Рәсәйҙең ҡатын-ҡыҙҙар баш ҡалаһына әүерелә

Өфөлә нигеҙ һалынған «Ҡатын-ҡыҙ бәхете биләмәһе» хәйриә проекты тәүге тапҡыр тотош ил кимәленә сыға. Ҡала ике көнгә Рәсәйҙең ҡатын-ҡыҙҙар баш ҡалаһына әүерелә. Сара 20 майҙа «Торатау» конгресс-холында башлана.

«Лекциялар, түңәрәк өҫтәлдәр, оҫталыҡ дәрестәр, воркшоптар, медицина консультациялары һәм экпресс-тестар. Сара ҡунаҡтары – Оксана Пушкина, Арина Шарапова, Алена Яковлева, Ольга Баталина, Валентина Пешкова, Нюта Федермессер, Петр Кучеренко, Валентина Паевская, Арпине Саркисян, Регина Доктор, Александр Семин – үҙҙәренең тәжрибәһе менән уртаҡлашыр һәм яҡшы яҡҡа үҙгәрештәргә илһамландырыр», — тип хәбәр итте ойоштороусылар.

Беренсе көндә — ҡатнашыусылар өсөн эшлекле программа, икенсеһендә (21 майҙа) һаулыҡ һәм үҙеңде үҫтереү хаҡында лекциялар була. Программа менән бында танышырға мөмкин.

Хәтерегеҙгә төшөрәбеҙ, асыҡ академия саралары Президент гранттары фонды һәм Башҡортостандың Граждандар йәмғиәтенә булышлыҡ итеү фонды ярҙамында тормошҡа ашырыла.