Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
29 Апрель 2021, 15:18

Рәсәйҙең юғары уҡыу йорттарына 4 майҙан 7-һенә тиклем дистанциялы уҡыуға күсергә рөхсәт ителде

Олег Яровиков
Олег Яровиков
Рәсәйҙең юғары уҡыу йорттарына 4 майҙан 7-һенә тиклем дистанциялы уҡыуға күсергә рөхсәт ителде. Илдең Мәғариф һәм фән министрлығы тейешле бойороҡ сығарҙы.
«Ойошма етәкселәре дистанциялы белем биреү технологияларын ҡулланып, белем биреү программаларын ғәмәлгә ашырырға хоҡуҡлы», — тиелә бойороҡ тексында.
Өфө дәүләт авиация техник университетында «Башинформ» агентлығына мәғлүмәтте раҫланылар. Юғары уҡыу йорто студенттары 4-7 майҙа өйҙән уҡый.
Алдан хәбәр ителгәнсә, Рәсәйҙең юғары уҡыу йорттары студенттары 1 майҙан 10-ына тиклем өҫтәмә каникулға сығыуы мөмкин. Был турала фән һәм юғары белем министры урынбаҫары Дмитрий Афанасьев әйткәйне.
Хәтерегеҙгә төшөрәбеҙ, ил президенты Владимир Путин 2021 йылдың 1 майынан 10-ына тиклем эшләмәү тураһында указға ҡул ҡуйҙы.
Автор:«Башинформ» мәғлүмәт агентлығы
Читайте нас: