БДУ-ның ғилми советы Радий Хәбировтың берләштерелгән юғары уҡыу йортон булдырыу башланғысын хупланы

«Башинформ» мәғлүмәт агентлығы

Башҡортостан Башлығы Радий Хәбировтың тәҡдиме буйынса Башҡорт дәүләт университетының ғилми советы күпселек тауыш менән Өфө дәүләт авиация техник университеты менән берлектәге Ҙур университетҡа берләшеү тураһында ҡарар ҡабул итте. Ҡатнашыусыларҙың 38-е – ыңғай, етәүһе ҡаршы тауыш бирҙе.

Башҡортостан Башлығы һөйләүенсә, уны күп нәмә ошо вуз менән бәйләй.

«Йәшермәйем, һеҙгә үҙемә генә хас тойғо менән килдем. Сөнки Башҡорт дәүләт университетын тамамланым, оҙаҡ ваҡыт ошонда эшләнем. Ғүмеремдең шул осоро менән бәйле бөтә нәмә миңә бик ҡәҙерле, – тине Радий Хәбиров. – Башҡортостан Башлығы вазифаһында эшләй башлағандан алып беҙ республика үҫешен төрлө яҡлап, шул иҫәптән юғары белемгә бәйле хәлде тикшерҙек. Әгәр илебеҙ һәм Волга буйы федераль округы картаһына ҡараһаҡ, беҙҙең эргәлә урынлашҡан күп кенә төбәктәрҙә ҡеүәтле федераль йәки милли тикшеренеү университеттарының булыуын күрербеҙ. Ә Башҡортостанда терәк вуз берәү генә – Өфө дәүләт нефть техник университеты. Йәғни ул ваҡытҡа, юғары белемде үҫтереү өсөн мөһим ҡарарҙар ҡабул ителгән саҡта, беҙ аутсайдерҙар иҫәбендә ҡалдыҡ», — тине ул.

Башҡортостан етәксеһе һүҙҙәренсә, донъя кимәлендәге Евразия фәнни-белем биреү үҙәге тигән федераль статус республикала юғары мәктәптең стратегик үҫешен тәьмин итергә бурыслы, шуға күрә «Өҫтөнлөк-2030» стратегик академик лидерлыҡ программаһында ҡатнашыу артабанғы аҙымыбыҙ булырға тейеш.

«Беҙ проектта ҡатнашыуҙың мөһим параметрҙарын тикшерҙек, Рәсәйҙең Фән һәм юғары белем министрлығы менән һөйләшеүҙәр алып барҙыҡ. Шунан һуң бөгөн республикала үҙ аллы эшләп килгән бер вуздың да программаға инеү өсөн бер ниндәй ҙә мөмкинлеге юҡ, тигән һығымтаға кидек. Университеттарҙы берләштереү берҙән-бер хәл итеү юлы булыуы мөмкин», — тине ул.

https://www.bashinform.ru/news/1584451-uchyenyy-sovet-bashgu-podderzhal-initsiativu-radiya-khabirova-o-sozdanii-obedinyennogo-vuza/

#юғары уҡыу йорттарын берләштереү

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.