Среда, 29 Апреля 2026

Уфа

+12 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

09:53 (UTC+5), 16 Апреля 2021

Башҡортостандың баш ҡалаһында I «Ирҙәр ҡоро» бара

Олег Яровиков

«Башинформ» мәғлүмәт агентлығы

Бөгөн, 16 апрелдә, Өфөлә I «Ирҙәр ҡоро» ойошторолдо. Унда ҡатнашыу өсөн «Торатау» конгресс-холына республиканың көслө зат вәкилдәре – сәйәсмәндәр, эшҡыуарҙар, йәмәғәтселәр, күп балалы атайҙар килде.

«Башҡортостан ир-егеттәренең форумы – беҙҙең ошондай тәүге сара, — тип билдәләне «Ирҙәр ҡоро» рәйесе, Рәсәй Дәүләт Думаһы депутаты Зариф Байғусҡаров. — Маҡсатыбыҙ — ауылдарҙан, райондарҙан әүҙем ир-егеттәрҙе туплап, берлектә эшләү. Ойошмабыҙ һөҙөмтәле эшләһен өсөн эште системаға һалыу, аныҡ маҡсаттар билдәләү һәм шуларға бергәләп өлгәшеү мөһим. Төп йүнәлештәребеҙ айыҡ йәшәү рәүешенә, йәмғиәттә атайҙарҙың ролен күтәреүгә, райондарҙа ирҙәр ҡорҙары менән эште ойоштороуға ҡағыла.Ошо йүнәлештәрҙе тормошҡа ашырыу өсөн бөгөн Башҡортостан ир-аттарының I ҡорона йыйылдыҡ».

Башҡортостан Республикаһы Башлығы Хакимиәте етәксеһенең эске сәйәсәт буйынса урынбаҫары Урал Килсенбаев Башҡортостан Башлығының сәләмләүен уҡып ишеттерҙе. Элек-электән республиканың социаль-иҡтисади именлеге, ғаиләлә тыныслыҡ һәм етеш тормош ир-егеттәргә бәйле булған – «Яҡшы ир – ил терәге», тигән башҡорт халыҡ мәҡәлен иҫенә төшөрҙө Радий Хәбиров. Ул шулай уҡ ир-аттарҙың, элекке кеүек үк, көслө һәм үҫешә барған Башҡортостан өсөн хеҙмәт итеренә ышанысын белдерҙе.

Урал Килсенбаев иһә үҙенең тотош республиканан абруйлы ир-уҙамандарҙың түңәрәк өҫтәл артына йыйылып кәңәшләшеү йолаһының тергеҙелеүенә ныҡ шат булыуын әйтте. «Башҡорттар борон-борондан көнүҙәк мәсьәләләрҙе бергәләп, аҡһаҡалдар ҡоронда хәл иткән. Бөгөнгө форум да ошо йоланың үҙенсәлекле дауамы ул», — тине ул.

Башҡортостан ир-егеттәре форумын ойоштороусы – республика Башлығы Хакимиәте булышлығында Башҡортостан Республикаһының «Ирҙәр ҡоро» төбәк йәмәғәт ойошмаһы. Сараның төп бурыстары – Ирҙәр ҡороноң эшмәкәрлеген әүҙемләштереү, ойошманың проекттары координаторҙары берлеген төҙөү, хәҙерге йәмғиәттә ирҙәрҙең һәм атайҙарҙың социаль статусын күтәреү, уларҙың Башҡортостан Республикаһының социаль-иҡтисади үҫешенә индергән өлөшөнә йәмәғәтселектең иғтибарын йәлеп итеү, ир-егеттәрҙе ҡала, район һәм ауылдарҙың йәмәғәт тормошона нығыраҡ йәлеп итеү.

Көндөң икенсе яртыһында форумда тематик сессиялар, «Ил терәге» наградаһы менән бүләкләү ойошторола.

Форумдың йомғаҡтары буйынса мөһим ҡарарҙар ҡабул ителә.

1 из 19

https://www.bashinform.ru/news/1583126-v-ufe-prokhodit-i-forum-muzhchin-bashkortostana/

#форумдар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.