Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
14 Апрель 2021, 11:51

Башҡортостанда ташҡынға яҡынса күҙаллау баҫылып сыҡты

«Башинформ» мәғлүмәт агентлығы
«Башинформ» мәғлүмәт агентлығы
Башҡортостандың Ғәҙәттән тыш хәлдәр министрлығында алдағы көндәрҙә ташҡындың иң юғары нөктәһен көтәләр. Ҡотҡарыусылар әйтеүенсә, тау йылғалары асылған саҡта боҙ тығылыуы һәм һыуҙың ҡапыл күтәрелеүе ихтимал. Атап әйткәндә, Дыуан районында - Әй йылғаһының урта ағымында, Белорет, Архангел райондарында - Инйәр йылғаһында, Бөрйән, Бөрө райондарында - Ағиҙел йылғаһында, Иглин районында Эҫем йылғаһында проблемалы участкаларҙың барлыҡҡа килеүе мөмкин.
Ведомство мәғлүмәттәре буйынса, 15 апрелдә төндә һауа температураһының түбәнәйеүе көтөлә.
«Был һыу кимәленең кинәт күтәрелеүенә юл ҡуймаҫҡа тейеш», — тип белдерҙеләр республика Ғәҙәттән тыш хәлдәр министрлығының матбуғат хеҙмәтендә.
Республика хөкүмәтендә көн һайын яҙғы ташҡын буйынса кәңәшмәләр үткәреү планлаштырыла.
Автор:«Башинформ» мәғлүмәт агентлығы
Читайте нас: