Суббота, 23 Мая 2026

Уфа

+9 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

06:40 (UTC+5), 09 Апреля 2021

Радий Хәбиров «Айыҡ ауыл» республика конкурсы еңеүселәрен һәм призерҙарын бүләкләне

Олег Яровиков

Азат Ғиззәтуллин

Өфөлә «Айыҡ ауыл» республика конкурсы финалсыларын бүләкләү тантанаһы уҙҙы. Ауылдар дүрт категорияға бүленде: эре, ҙур, урта, бәләкәй. Тәүҙә Башҡортостан Башлығы Радий Хәбиров «Айыҡ ауыл»дың финалына үткән 12 ауылдың экспозициялары менән танышты.

Район хакимиәттәре башлыҡтары һәм ауыл халҡы Радий Хәбировҡа ауылдарҙың тарихы, грант аҡсаһын нимәгә тотонорға йыйыныуҙары тураһында һөйләне.

Хәтерегеҙгә төшөрәбеҙ, былтырғы конкурс йомғаҡтары буйынса Башҡортостан Башлығы бүләк фондын арттырҙы, һөҙөмтәлә дөйөм бүләк фонды 40 миллион һум тәшкил итте. Еңеүселәргә 5 миллион һум тапшырылды, икенсе урынға – 3 миллион һум, өсөнсө урынға – 2 миллион һум.

Бүләкләү тантанаһын асып, республика етәксеһе «Айыҡ ауыл» конкурсын бик халыҡсан булыуын билдәләне.

«Илебеҙҙең башҡа төбәк башлыҡтары менән аралашҡан ваҡытта мин һәр ваҡыт республикабыҙҙа халыҡтың яҡынса 40 проценты ауылда йәшәүе тураһында ғорурланып һөйләйем. Ауылда йәшәгән кешеләр – ауылдың йәне ул. Ауылдың үҫеше, яңы ғаиләләрҙең барлыҡҡа килеүе, балалар тыуыуы беҙҙең өсөн бик мөһим. «Айыҡ ауыл» конкурсына яңы көс бирҙек. Ҡыҙғанысҡа ҡаршы, һуңғы йылдарҙа республикала суррогат алкоголь күп һатыла башланы, хәмерҙән ағыуланып үлеү осраҡтары артты. Ҡайһы бер райондарҙа суррогат менән сауҙа итеүселәргә ҡаршы «хәрби операциялар» ойошторорға тура килде. «Айыҡ ауыл» конкурсы ла ошо йәһәтттән беҙгә ярҙам итте. Конкурс халыҡты, ауылдаштарҙы берләштерә. Ҡыҙыҡһыныу бар, кешеләр яҡшыраҡ йәшәргә теләй. Конкурс күп милләтле», — тине Радий Хәбиров.

Меңдән ашыу кеше йәшәгән эре ауылдар араһында беренсе урынды Учалы районы Илсе ауылы яуланы, икенсе урында – Өфө районы Шамонин ауылы, Тәтешле районы Шүлгән ауылы өсөнсө урынды алды.

Ҙур ауылдар араһында беренсе урында – Күгәрсен районы Исем ауылы, икенселә – Бөрө районы Бахтыбай ауылы, өсөнсөлә – Әбйәлил районы Таштимер ауылы.

Урта ауылдар категорияһында: Стәрлетамаҡ районы Күсәрбай ауылы, Ҡыйғы районы Иҫке Мөхәмәт ауылы һәм Бөрйән районы Брәтәк ауылы.

Бәләкәй ауылдар араһында Баймаҡ районы Түбәнге Яйыҡбай ауылы еңеү яуланы, «Айыҡ ауыл»дың көмөш призерҙары – Көйөргәҙе районы Яҡут ауылында йәшәүселәр, өсөнсөлә – Благовар районы Үрге Ҡарғалы ауылы.

Еңеүселәр һәм призерҙар финалсылар дипломы һәм аҡсалата сертификаттар менән бүләкләнде. Әйткәндәй, 12 финалсы араһында тауыш биреү «Голос РБ» порталында ойошторолдо. Еңеүселәрҙе һәм призерҙарҙы республика халҡы билдәләне.

1 из 50

https://www.bashinform.ru/news/1579630-radiy-khabirov-nagradil-pobediteley-i-prizerov-respublikanskogo-konkursa-trezvoe-selo-/

#айыҡ ауыл

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.