Пермь крайында Ғәйнә башҡорттары йыйыны уҙҙы

«Башинформ» мәғлүмәт агентлығы

Пермь крайында Башҡортостан мәҙәниәте һәм мәғрифәте көндәре бара. Төнгүк ауылы мәҙәниәт йортонда Ғәйнә башҡорттары ҡорға йыйылды. Сарала Пермь крайының Барҙа районы башлығы урынбаҫары Татьяна Балтаева, Башҡортостандың мәғариф һәм фән министры урынбаҫары Әлфиә Ғәлиева, Тәтешле районы башлығы Фәнүр Шәйхисламов ҡатнашты.

Йыйында ҡатнашыусыларҙы Бөтә донъя башҡорттары ҡоролтайы Президиумы рәйесе Эльвира Айытҡолова сәләмләне.

«Былтыр халыҡ-ара кимәлдә башҡорт теленән диктант яҙыу ойошторҙоҡ, төньяҡ-көнбайыш башҡорттары уны үҙ диалектында яҙҙы. Сара быйыл да апрель айында уҙғарыла. Бишенсе ҡоролтайҙа Башҡортостан башлығы Радий Хәбиров, ниндәй телдә, диалектта һөйләшеүенә ҡарамаҫтан, үҙен башҡорт тип иҫәпләгән һәр кемде беҙ башҡорт тип ҡабул итергә тейешбеҙ, тине. Ырыуҙар йыйыны үткәргәндә тап ошо маҡсатты алға ҡуябыҙ. Башҡорт теленең диалекттары, һөйләштәре күп, милләттәштәребеҙҙе тел буйынса айырмайыҡ», — тине Эльвира Айытҡолова.

Йыйында ҡатнашыусылар Ғәйнә ырыуы советы һәм уның башлығын да һайланы. Был вазифала күптән эшләгән Марат Мозафаров ҡабаттан билдәләнде.

«Был бик мөһим һәм кәрәкле сара булды. Алда беҙҙе тағы ла әһәмиәтлерәк ваҡиға – халыҡ иҫәбен алыу кампанияһы көтә. Шуға ла беҙ үҙебеҙҙең башҡорт икәнебеҙҙе аңларға тейешбеҙ. Тел һәм милләт – икеһе ике төшөнсә. Телебеҙ саф башҡортса булмаһа ла, милләтебеҙ башҡорт икәнен онотмайыҡ», — тип мөрәжәғәт итте Марат Нашат улы йыйында ҡатнашыусыларға.

Йыйында резолюция ҡабул ителде. Уға ярашлы, Башҡортостан Республикаһы Хөкүмәтенә «Юлдаш» радиоһы һәм «Башҡортостан» юлдаш телевидениеһын Пермь крайы биләмәләрендә тыңлау һәм ҡарау мөмкинлеген булдырыуҙы; Пермь крайындағы Башҡорт тарихи-мәҙәни үҙәге эргәһендә башҡорт теленең төньяҡ-көнбайыш диалектында эшләгән хәбәрселәр пунктын асыуҙы; йәкшәмбе мәктәптәрендә ғәйнә башҡорттарының телен, тарихын, мәҙәниәтен һәм традицияларын өйрәнеүҙе дауам итеү өсөн финанс һәм ойоштороу йәһәтенән ярҙам күрһәтеүҙе; башҡорт теленең төньяҡ-көнбайыш диалектында методик ҡулланмалар нәшер итеүҙе һорап мөрәжәғәт итергә ҡарар ҡылынды.

Ғәйнә башҡорттары Пермь ҡалаһында Исмәғил Тасимовҡа һәйкәл, Сергей Руденкоға таҡтаташ ҡуйырға йыйына.

Ырыуҙар йыйыны штандарты Эске йылан ырыуына тапшырылды. Сираттағы йыйын 2 апрелдә Дүртөйлө районында үткәрелә, тип хәбәр иттеләр Башҡорт ҡоролтайының матбуғат хеҙмәтенән.

Рәсәй Федерацияһы төбәктәрендә Башҡортостан мәҙәниәте һәм мәғрифәте көндәре проекты Башҡортостан Республикаһы Башлығы грантына тормошҡа ашырыла.

1 из 6

https://www.bashinform.ru/news/1570908-v-permskom-krae-sostoyalsya-sezd-gayninskikh-bashkir/

#башҡорт ҡоролтайы #башҡорт ырыуҙары йыйыны

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.