Башҡортостан һәм Өфө яңылыҡтары
69.59
+0.26
75.78
+0.37
83.79
-0.71
-7 °C
Болотло
Бөтә яңылыҡтар
Йәмғиәт
18 Март 2021, 16:20

Өфөлә юристы үлтереүҙә ғәйепләнгән ирҙең хәле тураһында билдәле булды

Өфөлә юристы үлтергән һәм һуңынан үҙен яралаған ирҙең хәле тураһында билдәле булды. «Башинформ» агентлығына Башҡортостан Һаулыҡ һаҡлау министрлығының матбуғат хеҙмәтенән хәбәр итеүҙәренсә, Ҡыуатов исемендәге Республика клиник дауаханаһында пациентҡа операция яһағандар.
«Хәле тотороҡло ауыр тип баһалана. Ул үҙ аңында, реанимацияла ята. Бөгөн уны палатаға күсереү тураһында мәсьәлә хәл ителергә тейеш», — тип белдерҙеләр министрлыҡта.
Хәтерегеҙгә төшөрәбеҙ, 17 мартта көндөҙ Өфөнөң Пушкин урамында бер ир кешеләрҙең күҙ алдында юрисҡа һунар бысағы менән сәнскән. Енәйәтсе ҡасҡан һәм Зәки Вәлиди урамында үҙенә ҡул һалырға маташҡан. Ул ҡанға батып ятҡан, эргәһендә ҡоралы ла булған. Иҫән ҡалған ирҙе дауаханаға оҙатҡандар.
Өфөнөң Киров районы буйынса тәфтиш бүлеге 49 йәшлек иргә ҡарата «үлтереү» статьяһы буйынса енәйәт эше ҡуҙғатты.
Автор:«Башинформ» мәғлүмәт агентлығы
Читайте нас в