Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
16 Февраль 2021, 11:07

Башҡортостан Башлығы Ишембайҙа әсәһенең ҡәберенә барҙы

Радий Хәбиров, Fb
Радий Хәбиров, Fb
Башҡортостан Башлығы Радий Хәбиров 15 февралдә Ишембайҙа әсәһенең ҡәберенә барҙы. Республика етәксеһе әсәһе Хәбирова Разия Исхаҡ ҡыҙы менән бергә төшкән фотоһын социаль селтәргә һалды. Ул 2015 йылда донъя ҡуйған.
«...ә мин бөгөн Ишембайҙа, сөнки тап 6 йыл элек әсәйем арабыҙҙан китте. Әлбиттә, уның ҡәберенә барҙым. Бөтә ир-егеттәргә лә ошо даталарҙы онотмауҙарын теләйем. Әсәйҙәр беҙҙе тормош юлынан алып бара һәм ысын кеше булып ҡалырға ярҙам итә...», — тип яҙҙы республика Башлығы.
Радий Хәбиров уҡытыусылар ғаиләһендә тыуған. Разия Исхаҡ ҡыҙы ғүмере буйына тиерлек уҡытыусы булып эшләгән.
2021 йылдың ғинуарында Башҡортостан Башлығының ғаиләһендә сабый донъяға ауаз һалды. Малайға Тимер тип исем ҡуштылар.
«Бөгөн әсәйемә 88 йәш тулыр ине, тап бөгөн Каринам миңә ул бүләк итте!», — тип хәбәр иткәйне Радий Хәбиров.
Автор:«Башинформ» мәғлүмәт агентлығы
Читайте нас: