Башҡортостан һәм Өфө яңылыҡтары
90.19
-0.22
97.9
-0.4
81.47
-0.43
12+ °C
Ясна
Бөтә яңылыҡтар
Йәмғиәт
9 Декабрь 2020, 15:45

Өфөлә йыл башынан 429 ВИЧ-инфекция осрағы асыҡланған

Өфөлә 2020 йылдың 11 айында 429 ВИЧ-инфекция осрағы асыҡланған, был уҙған йылдың ошо уҡ осорона ҡарағанда 207 осраҡҡа аҙыраҡ, тип хәбәр итте Республика СПИД-ты һәм йоғошло ауырыуҙарҙы иҫкәртеү, уларға ҡаршы көрәш үҙәгенең баш табибы Рафаэль Яппаров.
31 октябргә Өфөлә ВИЧ-инфекция диагнозы менән 7 487 кеше иҫәпләнгән. Өфө биләмәһендә ауырыуҙың уртаса күрһәткесе 100 мең кешегә 37,8 тәшкил иткән. Күрһәткес үткән йылдың 11 айына ҡарағанда 32,5% түбәнерәк.
Коронавирус инфекцияһы пандемияһына бәйле үҙәктең эш форматы үҙгәрҙе. Анализ алыу һәм вирусҡа ҡаршы препараттар таратыу өсөн йәшәгән урынға махсус бригадалар сыға, «Пациент мәктәбе» онлайн режимда эшләй. Бынан тыш, вирусҡа ҡаршы препараттар яҙыу дистанцион формала башҡарыла. Шулай уҡ дежур телефон эшләй, инфекционистар онлайн консультация бирә.
Автор:«Башинформ» мәғлүмәт агентлығы
Читайте нас: