Среда, 29 Апреля 2026

Уфа

+9 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

10:26 (UTC+5), 09 Октября 2020

Радий Хәбиров һәм Владимир Якушев Ишембайҙа яңыртылған үҙәк майҙанды асты

Олег Яровиков

Азат Ғиззәтуллин

Бөгөн Ишембайҙа Ленин исемендәге яңыртылған үҙәк майҙанды асыу тантанаһы уҙҙы. Хәтерегеҙгә төшөрәбеҙ, Ишембайҙың «Ҡала майҙаны.Үҙгәртеү» проекты 2019 йылда Бөтә Рәсәй бәләкәй ҡалаларҙа һәм тарихи ауылдарҙа уңайлы ҡала мөхитен булдырыу өсөн иң яҡшы проекттар конкурсының «бәләкәй ҡалалар» категорияһында еңеп сыҡты. 1932 йылда ошо урында билдәле нефть ятҡылыҡтары – «икенсе Баҡы» асылғандан һуң ҡала үҫешә башлай.

Рәсәйҙең төҙөлөш һәм торлаҡ-коммуналь хужалыҡ министры Владимир Якушев һәм Башҡортостан Башлығы Радий Хәбиров башҡарылған эштәрҙең күләмен баһаланы. Бында күп функциялы йәмәғәт киңлеге барлыҡҡа килде, стадион һәм Мәҙәниәт һарайы һаҡлап ҡалынды. Майҙанға төрлө яҡтан инергә мөмкин. Ишембайҙың төп майҙанында хәҙер урында үткәрелгән саралар өсөн амфитеатр бар.

Бында күргәҙмә павильондары, нефтте символлаштырған фонтан, кафе йәки күргәҙмә залын асырға мөмкин булған йылы павильон урынлашҡан. Скверҙа рекреация зонаһы, спорт майҙансыҡтары, шашка баҡсаһы һәм ошо проект өсөн махсус булдырылған үҙенсәлекле уйын комплексы менән балалар майҙансығы барлыҡҡа килде. Балалар майҙансығының төп элементы – вышка рәүешендәге тауҙар системаһы. Уға архитекторҙар тауҙар һәм ҡаяға үрмәләү конструкцияларын өҫтәгән, унда балалар спорт менән шөғөлләнергә, бер үк ваҡытта ҡаланың тарихы менән танышырға мөмкин.

Ҡаланың тарихына бағышланған «Ваҡыт таҫмаһы» арт-объекты дөйөм композицияның ҡыҙыҡлы өлөшө булды.

Эштәрҙең хаҡы 144 миллион һум тәшкил итте, шул иҫәптән федераль бюджеттан – 100 миллион һумға яҡын. Реконструкцияның подрядсыһы – «Дортрансстрой» йәмғиәте.

«Майҙан бик матур. Бында килгән һәр кем рәхәтләнеп ял итер, ваҡытын күңелле үткәрер тип уйлайым. Федераль, республика һәм муниципаль бюджеттарҙан бүленгән аҡса, ә иң мөһиме – халыҡтың инициативаһы менән берлектә ошондай яҡшы һөҙөмтәгә өлгәшелгән», — тип билдәләне Рәсәйҙең төҙөлөш һәм торлаҡ-коммуналь хужалыҡ министры Владимир Якушев.

Республика башлығы үҙенең Республика көнө алдынан ҡалаға бүләк алып килгәнен әйтте.

«Алда Башҡортостанда нефть сығарыуҙың 90 йыллыҡ юбилейы, беҙҙе ошо юбилей датаһы менән бәйле ҙур программа көтә. Киләһе йылда Башҡортостан нефтен тәүге асыусылар майҙанын реконструкциялауҙы проектлай башлайбыҙ, уны ла үҙгәртербеҙ. 2022 йылда майҙанды яңыртырбыҙ. Ул да ошондай заманса, сағыу, матур һәм ҡыҙыҡлы булыр. Ҡала халҡын байрам менән ҡотлайым, бөтәһенә лә һаулыҡ һәм бәхет, хеҙмәтегеҙ өсөн рәхмәт», — тине Башҡортостан башлығы.

Майҙанды рәсми асыу тантанаһын шәмбе, 10 октябрҙә, креатив индустриялар фестивале барышында уҙғарыу планлаштырыла.

1 из 19

https://www.bashinform.ru/news/1505154-radiy-khabirov-i-vladimir-yakushev-otkryli-obnovlennuyu-tsentralnuyu-ploshchad-v-ishimbae/

#төҙөкләндереү #ҡала киңлектәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.