81.14
0
Башҡортостан һәм Өфө яңылыҡтары
92.22
0
67.96
+2.11
19+ °C
Ясна
Бөтә яңылыҡтар
Йәмғиәт
8 Июль 2020, 09:39
«Янғантау» геопаркы бөтә донъя ЮНЕСКО селтәренә инде
Валерий Шахов
«Янғантау» геопаркы Рәсәйҙә һәм Бойондороҡһоҙ Дәүләттәр Берләшмәһендә тәүгеләрҙән булып бөтә донъя ЮНЕСКО селтәренә инде. Был хаҡта ойошманың Ассамблеяһында белдерҙеләр, ул коронавирус инфекцияһына бәйле онлайн уҙҙы.
Бынан алда геопарк булдырыу идеяһы авторы һәм «Янғантау» шифаханаһы директоры Альфред Аҡбашев һөйләүенсә, сит ил туристары өсөн бындай статус – маркер, сифат һәм хәүефһеҙлек күрһәткесе.
Геопарк – асыҡ һауалағы музей, уның төп экспонаттары – тауҙар, мәмерйәләр, геологик киҫелештәр, минералдар һәм файҙалы ҡаҙылмалар. Инеү сикләнгән милли парктарҙан айырмалы, геопарк туристар өсөн асыҡ.
«Беҙҙең өсөн был ЮНЕСКО аша бөтә донъяға реклама, тимәк, халыҡ-ара туризмды үҫтереү, танылыу яулау һәм төбәктең инвестиция йәлеп итеүсәнлеген күтәреү. Ябай миҫал — республика геопаркы статусын алғандан һуң, күп көс һалмайынса, бер йылда туристар ағымын визит-үҙәк аша ике тапҡырға арттырҙыҡ. Нимә эшләнек – маршруттар әҙерләнек, Башҡортостан, Свердловск һәм Силәбе өлкәләренең турфирмалары менән килешеүҙәр төҙөнөк, социаль селтәрҙәрҙә эште әүҙемләштерҙек. Һөҙөмтә: кешеләр беҙгә ҙур теләк менән ял итергә килә башланы. «Янғантау» геопаркын тиҫтәләгән илдә күрһәттек, беҙгә төрлө илдәрҙән донъяның фән өлкәһендәге данлыҡлы шәхестәре һәм юғары кимәлдәге белгестәр килде, социаль селтәрҙәр көн һайын ике телдә эш алып бара», — тигәйне ул.
Салауат районында геопарк 20-нән ашыу геологик объектты берләштерә, уларҙың өсәүһе (Мәсетле киҫелеше, Оло Лука киҫелеше, Янғантау тауы) – халыҡ-ара, 10-һы – милли, 21 объект белем арттырыу әһәмиәтенә эйә. Биләмәлә Ҡыҙыл китапҡа ингән бик күп үҫемлектәр үҫә, йәнлектәрҙең һирәк осрай торған төрҙәре йәшәй. Геопарк тураһында тулыраҡ бында уҡырға.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».