Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Ҡар
Бөтә яңылыҡтар
Йәмғиәт
7 Июль 2020, 11:24

Өфөлә Ағиҙел йылғаһының яр буйы 1 августа тулыһынса асыла

Ксения Калинина
Ксения Калинина
6 июлдә Республика Йортонда уҙған «Йәмәғәт киңлектәре һәм торлаҡ-коммуналь хужалыҡ сәғәте» онлайн-кәңәшмәһендә ҡала парктарын һәм Ағиҙел йылғаһының яр буйын төҙөкләндереү этаптары тикшерелде. Башҡортостан Республикаһы башлығының матбуғат хеҙмәте мәғлүмәттәре буйынса, Ҡала мәҙәниәт һарайы алдында барған эштәр быйыл көҙ тамамлана, ә 1 августа Ағиҙел йылғаһының яр буйы ҡала халҡы һәм ҡунаҡтары өсөн тулыһынса асылырға тейеш.
«Миңә һәм өфөләрҙең күбеһенә яңыраҡ «Бейеүсе торналар» фонтаны янында асылған сквер бик оҡшаны, – тип билдәләне Радий Хәбиров. – Хәҙер унда тематик саралар ойошторорға һәм рөхсәтһеҙ урам сауҙаһын асыуға юл ҡуймаҫҡа кәрәк».
Быйыл Сипайлово биҫтәһендә «Ҡашҡаҙан» паркы эшләй башлай, ә 1 сентябрҙә күптән көтөлгән балалар баҡсаһы асыла. Радий Хәбиров 2021 йылға биҫтәлә яңы поликлиника төҙөлөшөн төп медицина звеноһын комплекслы үҫтереүҙең республика программаһына индерергә ҡушты. Алдағы ике йылда Дим районында Үҙәк, Баланов парктарын, Инорста Йылыкүлде тәртипкә килтереү планлаштырыла.
«Шулай уҡ ҡала властары менән берлектә ихаталарҙы һәм подъездарҙы төҙөкләндерергә, Яр буйы урамында транспорт хәрәкәте логистикаһы һәм парковкаларҙы уйларға кәрәк», — тине республика башлығы.
Һуңынан онлайн-кәңәшмәлә ҡатнашыусылар Өфөлә Октябрь Революцияһы урамын реконструкциялау варианттарын тикшерҙе.
Автор:«Башинформ» мәғлүмәт агентлығы
Читайте нас: