Радий Хәбиров: «Башҡортостан башлығы хакимиәтендә COVID-19 менән сирләүселәр күп»

Олег Яровиков

«Башинформ» мәғлүмәт агентлығы

Башҡортостан Республикаһы башлығы хакимиәтендә һәм республика хөкүмәтендә коронавирус менән сирләүселәр байтаҡ. Был хаҡта 6 июлдә оператив кәңәшмәлә Башҡортостан Республикаһы башлығы Радий Хәбиров белдерҙе.

«Коллегалар, муниципалитет башлыҡтары, уянығыҙ, зинһар. Буш ваҡытығыҙҙа донъя яңылыҡтарын уҡығыҙ – Ҡаҙағстан ике аҙналыҡ карантинға ябылды. Израилдә барлыҡ сикләү саралары тулыһынса әйләнеп ҡайта. АҠШ-та көн һайын бер нисә тиҫтә мең кеше сир йоҡтора. Бөтә ерҙә лә хәл бик көсөргәнешле. Шуға күрә беҙгә ауырыуҙар арта тип иларға тура килмәһен, тимәк, беҙ ҡайҙалыр эшләп еткермәйбеҙ», — тине Башҡортостан Республикаһы башлығы.

Радий Хәбиров республикала коронавирусҡа бәйле хәлде анализларға ҡушты.

«Беҙ эре предприятиеларыбыҙҙа ҙур булмаған сир сығанаҡтары барлыҡҡа килеүен теркәй башланыҡ. Улар бының менән әүҙем шөғөлләнә. Бөтәһе лә өйрәнде шикелле – осраҡтар булһа, шунда уҡ ябабыҙ. Коллегалар, Айҙа йәшәмәйһегеҙ бит, былар барыһы ла беҙҙең тирәлә йөрөй. Башҡортостан Республикаһы башлығы хакимиәтендә, бында, хөкүмәттә, сирлеләр күп кенә. Аңлағыҙ, был беҙҙең янда йөрөй, бер-беребеҙҙе һаҡларға кәрәк», — тип хәбәр итте республика башлығы.

Башҡортостанда битлек режимы, социаль дистанция һәм өлкән йәштәгеләр өсөн «комендант» сәғәте ғәмәлдә.

Бынан алда «Башинформ» 6 июлгә республикала 5 638 сирле теркәлеүе тураһында хәбәр итте. Тәүлек эсендә 47 кешегә күберәк.

https://www.bashinform.ru/news/1469750-radiy-khabirov-v-administratsii-glavy-bashkirii-bolshoe-kolichestvo-zabolevshikh-covid-19/

#башҡортостан республикаһы башлығы #коронавирус

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.