Башҡортостан һәм Өфө яңылыҡтары
69.34
0
75.41
0
86.41
-1.06
-10 °C
Болотло
Бөтә яңылыҡтар
Йәмғиәт
19 Июнь 2020, 17:00

Рәсәй мосолмандарының Үҙәк диниә назараты рәйесе Тәлғәт Тажетдин үҙенең Юғары мөфтөй вазифаһында эшләүенә 40 йыл тулыуҙы билдәләй

https://glavarb.ru/
https://glavarb.ru/
Рәсәй мосолмандарының Үҙәк диниә назараты рәйесеТәлғәт Тажетдин үҙенең Юғары мөфтөй вазифаһында эшләүенә 40 йыл тулыуҙы билдәләй.
40 йыл элек, 1980 йылдың 19 июнендә, Тәлғәт Тажетдин СССР-ҙың Европа өлөшө һәм Себер мосолмандары Диниә назараты мөфтөйө һәм рәйесе итеп тәғәйенләнгән. 1990 йылдан Шәйхел-Ислам дәрәжәһенә (илдә ислам мәсьәләләре буйынса юғары вазифалы кеше) эйә. Тажетдин Дуҫлыҡ ордены, Почет, IV дәрәжә «Ватан алдындағы хеҙмәттәре өсөн», шулай уҡ Рус православие сиркәүенең Мәскәү кенәзе ордендары менән бүләкләнгән.
Бөгөн Юғары мөфтөйгә бик күп ҡотлауҙар килә. Башҡортостан башлығы Радий Хәбиров та дин әһеленә мөрәжәғәт итте.
«Хөрмәтле Тәлғәт хәҙрәтебеҙ һайланып ҡуйылғандан алып бына 40 йыл инде республика һәм тотош ил мосолмандары өммәһе йөрәгендә төп иман һаҡсыһы булып тора, — тип яҙҙы ул. — Башҡортостан ошондай дин остазынан, тыуған еренең лайыҡлы улынан һәм иҫ киткес аҡыллы кешенән бик уңды. Шуныһы мөһим: төрлө милләт һәм дин вәкилдәре йәшәгән республикабыҙҙа дин әһелдәренән һәр ваҡыт ярҙам һәм изге кәңәш алырға мөмкин».
Ошо әһәмиәтле ваҡиға уңайынан республика етәксеһе Тәлғәт Тажетдинды Салауат Юлаев ордены менән бүләкләне.
Автор:«Башинформ» мәғлүмәт агентлығы
Читайте нас в