Башҡортостан һәм Өфө яңылыҡтары
93.44
0
99.73
0
90.21
-0.33
2+ °C
Болотло
Бөтә яңылыҡтар
Йәмғиәт
11 Июнь 2020, 09:14

Бөтә донъя башҡорттары ҡоролтайы «Антиконтрафакт» ассоциацияһы менән хеҙмәттәшлекте яйға һалды

10 июндә Бөтә донъя башҡорттары ҡоролтайының штаб-фатирында «Рәсәй Федерацияһының хоҡуҡ һаҡлау органдары һәм махсус хеҙмәттәре хеҙмәткәрҙәре ассоциацияһы» Дөйөм Рәсәй йәмәғәт ойошмаһының Башҡортостан төбәк бүлексәһе менән хеҙмәттәшлек тураһында килешеү төҙөлдө.
Документҡа Бөтә донъя башҡорттары ҡоролтайы башҡарма комитеты рәйесе Ғәлим Яҡупов һәм ассоциацияның идара рәйесе Вадим Лапко ҡул ҡуйҙы.
Бөтә донъя башҡорттары ҡоролтайының матбуғат хеҙмәтенән хәбәр итеүҙәренсә, килешеү төҙөү башҡорт ҡоролтайына Башҡортостан бүлексәһе ингән «Антиконтрафакт» халыҡ-ара ассоциацияһы эшендә ҡатнашырға мөмкинлек бирә. Бындай хеҙмәттәшлек урындағы баҙарҙа ла, унан ситтә лә Башҡортостан етештереүселәре бренды өсөн яңы мөмкинлектәр аса.
Хәтерегеҙгә төшөрәбеҙ, Бөтә донъя башҡорттары ҡоролтайы республика эшҡыуарҙары менән әүҙем хеҙмәттәшлек итә, көн һайын намыҫһыҙ конкуренция факттары тураһында сигналдар ала һәм проблемаларҙы бөтөрөү өҫтөндә эшләй.
Автор:«Башинформ» мәғлүмәт агентлығы
Читайте нас: