Башҡортостан һәм Өфө яңылыҡтары
91.87
-0.17
99.45
-0.47
82.29
+0.14
-10 °C
Болотло
Бөтә яңылыҡтар
Йәмғиәт
5 Июнь 2020, 11:58

6 июндә ҡаланың барлыҡ зыяраттарына «Башавтотранс» автобустары йөрөй

Андрей Старостин
Андрей Старостин
Башҡортостанда 6 июндә – Мәрхүмдәрҙе иҫкә алыу көнөндә барлыҡ ҡалаларҙа зыяраттарға «Башавтотранс» автобустары йөрөй.
Дөйөм алғанда, Өфө, Баймаҡ, Бәләбәй, Бөрө, Дүртөйлө, Күмертау, Мәләүез, Нефтекама, Октябрьский, Салауат, Сибай, Стәрлетамаҡ, Туймазы һәм Учалы зыяраттарына 1160-тан ашыу рейс башҡарыу планлаштырыла. Уларҙың күпселеге Өфөгә тура килә. Төньяҡ зыяратҡа – 200, ә Көньяҡҡа – 400-гә яҡын рейс.
Өфөнөң Көньяҡ зыяратын был шәмбе 30-сы «Пушкин сауҙа-сервис комплексы — СТО» һәм 30К «Башҡортостан» сауҙа үҙәге — СТО» маршруттары буйынса 29 автобус хеҙмәтләндерә. Бынан тыш, ошо зыяратҡа «Һалле урамы» туҡталышынан өҫтәмә автобустар йөрөй.
Төньяҡ зыяратты 15-се «Өфө моторҙар эшләү берекмәһе» мәҙәниәт һарайы — Тимашев ҡасабаһы» маршруты буйынса 15 автобус хеҙмәтләндерә, шулай уҡ «Колхоз баҙары» туҡталышынан өҫтәмә 10 автобус китә.
Автобустарҙың ваҡыт арауығы, пассажирҙар ағымына ҡарап, 5-10 минут була.
Өфөлә махсус маршруттар пассажирҙарҙы иртәнге сәғәт 8-ҙән киске 8-гә тиклем хеҙмәтләндерә.
Автор:Галина Бахшиева
Читайте нас в