Йолаға әүерелгән Мәскәү Һабантуйы онлайн уҙғарыла

«Башинформ» мәғлүмәт агентлығы

Йолаға әүерелгән Мәскәү Һабантуйы 4 июлдә онлайн уҙғарыла. Йыл һайын «Коломенское» музей-ҡурсаулығындағы сағыу этно-мәҙәни сараға бөтә донъянан ҡунаҡтар йыйыла ине.

Ләкин коронавирус пандемияһы сәбәпле Мәскәүҙә күмәк халыҡ ҡатнашлығындағы сараларҙы тыйыуға бәйле «Һабантуй-2020» байрамын интернет-майҙансыҡтарҙа онлайн үткәрергә хәл ителде.

Ойоштороусылар һүҙҙәренсә, программала байрамдың туғандаш халыҡтарҙың йолаларын һәм мәҙәниәтен сағылдырған төп ваҡиғалары һаҡлана. Ете онлайн-урында тамашасыларға милли көрәш, халыҡ уйындары, эстрада йондоҙҙары ҡатнашлығындағы концерт программаһы, милли маркет, аш-һыу әҙерләү буйынса оҫталыҡ дәрестәре майҙансыҡтары, шулай уҡ танышыу һәм йәштәр проекттары өсөн виртуаль киңлек, уникаль контент, интервью, илдең һәм донъяның төрлө төбәктәренән тура бәйләнештәр тәҡдим ителә.

Һабантуйҙың яңы форматы сараның аудиторияһын киңәйтергә мөмкинлек бирә – халыҡтың яратҡан байрамын 1 миллиондан ашыу кеше ҡарай ала. Трансляция Мәскәү татарҙары автономияһы сайтында алып барыла.

«Илебеҙ граждандары өсөн ошо еңел булмаған осорҙа Һабантуй ойоштороу йолаһын һаҡлап ҡалыу, халыҡтың берҙәмлеген, мәҙәниәткә, йолаларға булған һөйөүҙе һәм бер нәмәгә ҡарамаҫтан милли сараларҙы уҙғарыу мөһимлеген күрһәтеү ҙур әһәмиәткә эйә», — тип билдәләне байрамды ойоштороу комитеты.

Байрамды ойоштороусылар – Мәскәү Хөкүмәте, Татарстан Республикаһының Рәсәй Федерацияһындағы Тулы хоҡуҡлы вәкиллеге һәм Башҡортостан Республикаһының Рәсәй Президенты ҡарамағындағы Тулы хоҡуҡлы вәкиллеге менән берлектә Мәскәү ҡалаһының Татар милли-мәҙәни автономияһы советы.

http://www.bashinform.ru/news/1457593-traditsionnyy-moskovskiy-sabantuy-proydet-v-onlayn-formate/

#һабантуй

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.