Четверг, 30 Апреля 2026

Уфа

+10 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

08:51 (UTC+5), 24 Апреля 2020

Бөтә донъя башҡорттары ҡоролтайының ирекмәндәр отряды республика халҡына ярҙам күрһәтә

«Башинформ» мәғлүмәт агентлығы

Бөтә донъя башҡорттары ҡоролтайы ҡарамағындағы Рәсәй Геройы Миңлеғәле Шайморатов исемендәге ирекле отряд республика буйынса йөҙләгән ирекмәнде берләштерҙе. Улар араһында – район ҡоролтайҙары вәкилдәре, һуғыш хәрәкәттәре ветерандары.

Мобиль отряд 1 апрелдән эшләй, уны Бөтә донъя башҡорттары ҡоролтайы Башҡарма комитеты ағзаһы, яугир-интернационалист Тимерйән Рәжәпов етәкләй. Эш ирекмәндәр ойошмаһы менән бергә башҡарыла.

«Һәр районда һәм ҡалала ирекмәндәр үҙәктәре эшләй, ҡайһы берҙә эшсе ҡулдар, автомобилдәр етмәй. Беҙ барыһы менән дә бәйләнештә. Ярҙамға мохтаждар көн дә мөрәжәғәт итә, тәү сиратта, улар – хаҡлы ялдағылар һәм хәрәкәттәре сикле граждандар, уларҙың адресын, телефондарын урындағы әүҙемселәргә тапшырабыҙ», — тип һөйләй Тимерйән Рәжәпов.

Өфөлә «Беҙҙең хәстәр» ирекмәндәр үҙәге «Берҙәм Рәсәй» төбәк бүлексәһе янында эшләй. Ғаризалар тәүлек әйләнәһенә 8 800-20-18-903 телефоны аша ҡабул ителә. Тәү сиратта, оло йәштәгеләр һәм инвалидтарға көнкүрештә ярҙам, дарыуҙар, аҙыҡ-түлек алып килеү кеүек эштәр башҡарыла.

Шайморатов исемендәге мобидь отряд ирекмәндәре үҙәктән ғаризалар ҡабул итеп, урындағы ирекмәндәргә еткерә. Барыһы ла хәүефһеҙлек саралары тураһында хәбәрҙар, таныҡлыҡтар, битлек-бирсәткәләр менән тәьмин ителгән. Мобиль отряд баш ҡалала ғына эшләмәй, көн дә республика буйынса ҡырҡҡа яҡын урынға бара.

«Беҙ көн дә юлда, һәр үтенескә ҡолаҡ һалабыҙ. Кисә, мәҫәлән, Ауырғазы, Ғафури, Нуриман райондарына сыҡтыҡ, бөгөн Ҡырмыҫҡалыға юлланабыҙ. Әйткәндәй, Нуриман районы ирекмәндәре «Айыҡ ауыл» республика конкурсында ҡатнашҡан ауылдарҙа әүҙем эшләй. Урындарҙа район ҡоролтайҙары һәм ауыл биләмәләре башлыҡтары – беҙҙең төп таяныс», — ти проекттың координаторы.

Бөтә донъя башҡорттары ҡоролтайы президиумы рәйесе, Башҡортостан Республикаһы Дәүләт Йыйылышы – Ҡоролтай вице-спикеры Эльвира Айытҡолова әйтеүенсә, хаҡыбыҙҙың көсө – берҙәмлектә:

«Пандемия осоронда күреүебеҙсә, беҙҙең халыҡҡа хас ойошҡанлыҡ, бер-береңә ярҙамға килеү, эскерһеҙлек – ул беҙҙең көсөбөҙ. Ирекмәндәр хәрәкәтенә ҡушылған һәр кемгә рәхмәтемде белдерәм. Шуныһы бик ҡыуаныслы: Бөтә донъя башҡорттары ҡоролтайына шылтыраталар, ярҙамдарын тәҡдим итәләр. Ярҙам, ысынлап та, кәрәк, беҙҙең хәстәргә мохтаждар күп», — тине Эльвира Айытҡолова.

Бөтә донъя башҡорттары ҡоролтайы эргәһендәге Рәсәй Геройы Миңлеғәле Шайморатов исемендәге мобиль отряд ирекмәндәрҙе хәрәкәткә ҡушылырға саҡыра.

Ирекмәндәр сафына баҫырға теләгәндәр kurultai-ufa@mail.ru адресына йә (347) 250 49 31 телефоны аша ғариза ебәрә ала, Бөтә донъя башҡорттары ҡоролтайының социаль селтәрҙәге төркөмдәренә лә яҙырға мөмкин.

1 из 10

http://www.bashinform.ru/news/1443231-mobilnyy-otryad-volonterov-pri-vsemirnom-kurultae-bashkir-pomog-sotnyam-zhitelyam-respubliki/

#ҡоролтай

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.