Һау-сәләмәт кешегә коронавирусҡа тест эшләргә кәрәкмәй – Анна Казак
Олег Яровиков
Һау-сәләмәт кешегә коронавирусҡа тест эшләргә кәрәкмәй. Республика Һаулыҡ һаҡлау министрлығында уҙған брифингта Башҡортостан Гигиена һәм эпидемиология үҙәгенең баш табибы Анна Казак ошо хаҡта белдерҙе.
«Бик һаҡ булырға кәрәк. Ни өсөн коронавирусҡа тикшереләһегеҙ килә? Былай ғына, һау-сәләмәт көйөнсә тикшерелеүҙең мәғәнәһе юҡ. Клиникаға барып, халыҡ араһында йөрөгәндә, материал алғанда йоҡтороу хәүефе ҙур. Әлбиттә, табиптар барлыҡ хәүефһеҙлек шарттарын үтәй, ләкин, шуға ҡарамаҫтан, миндә вирус бармы, юҡмы икәнен белеү өсөн генә барырға ярамай».