Башҡортостан һәм Өфө яңылыҡтары
92.59
+0.02
100.27
-0.14
85.78
+0.37
1+ °C
Ҡар
Бөтә яңылыҡтар
Йәмғиәт
4 Март 2020, 10:49

Өфө районында һуғыш ветеранына фатир бүләк иттеләр

Өфө районы хакимиәте
Өфө районы хакимиәте
Өфө районы хакимиәте 96 йәшлек Бөйөк Ватан һуғышы ветераны Сергей Петрович Оловянниковҡа яңы фатир бүләк итте.
Ветеран ғүмере буйына Миловка ауылында уңайлы шарттары булмаған шәхси йортта йәшәгән. Торлаҡ проблемаһы тураһында властарға киң мәғлүмәт сараларынан билдәле булған. Мэрия мәғлүмәттәре буйынса, Сергей Оловянников — Өфө районында иҫән ҡалған алты Бөйөк Ватан һуғышы ҡатнашыусыһының береһе. Карелия, Украина фронттарында разведчик булған, III дәрәжә Дан ордены, «Батырлыҡ өсөн», «Хәрби хеҙмәттәре өсөн», «Германияны еңгән өсөн» миҙалдары, юбилей миҙалдары менән бүләкләнгән. Һуғыштан ҡайтҡас, хаҡлы ялға сыҡҡансы колхозда ветеринар фельдшер булып эшләгән.
Өфө районы хакимиәте хәбәр итеүенсә, ветеранға фатирҙы бюджеттан тыш аҡсаға һатып алғандар. Бында уңайлы йәшәү өсөн барлыҡ шарттар, шул иҫәптән көнкүреш техникаһы, йыһаз, һауыт-һаба бар.
Бынан тыш, йыйылған сумманың бер өлөшө районда йәшәгән тағы ике Бөйөк Ватан һуғышы ветеранының йорттарын ремонтлауға йүнәлтелә.
Автор:«Башинформ» мәғлүмәт агентлығы
Читайте нас: