«Ҡатын-ҡыҙ — милләт әсәһе» конкурсының финалына республиканың йөҙ йәшлек тиҫтере килә

Олег Яровиков

IMPORT Сервисный

Әүҙем йәмәғәт эшмәкәрҙәре араһында V «Ҡатын-ҡыҙ — милләт әсәһе» республика конкурсы йомғаҡ яһай. Конкурстың финалы 4 мартта көндөҙгө сәғәт 12-лә «Торатау» конгресс-холында уҙа. «Ҡатын-ҡыҙ — милләт әсәһе» конкурсының финалына республиканың йөҙ йәшлек тиҫтере – Иглин районынан Саимә Тикееваның килеүе билдәле булды.

Бөгөн «Башинформ» агентлығындағы матбуғат конференцияһында Башҡорт ҡатын-ҡыҙҙары йәмғиәте рәйесе, Башҡортостан Республикаһы Дәүләт Йыйылышы – Ҡоролтай депутаты Гөлнур Ҡолһарина һәм «Берҙәм Рәсәй» партияһының төбәк башҡарма комитеты етәксеһе урынбаҫары, Башҡорт ҡатын-ҡыҙҙары йәмғиәте рәйесе урынбаҫары Гөлнара Кирәева проект тураһында ентекле мәғлүмәт бирҙе.

Конкурста республика райондарынан һәм ҡалаларынан, шулай уҡ башҡорттар йәшәгән Рәсәй төбәктәренән һәм Бойондороҡһоҙ Дәүләттәр Берләшмәһе илдәренән йәмәғәтселәр, әүҙемселәр һәм үҙ эшенең оҫталары булған ҡатын-ҡыҙҙар ҡатнашты.

Ғәҙәттәгесә, конкурс ике этапта уҙғарыла: муниципаль һәм республика. Конкурста 10 номинация: «Ҡатын-ҡыҙ — әсә», «Ҡатын-ҡыҙ – лидер», «Ҡатын-ҡыҙ — ғалимә», «Ҡатын-ҡыҙ — уҡытыусы», «Ҡатын-ҡыҙ — бизнес-леди», «Ҡатын-ҡыҙ — һөнәр оҫтаһы», «Ҡатын-ҡыҙ — йыл өлгөһө», «Өлкән йәштәге әүҙем йәмәғәт эшмәкәре», «Иң йәш йәмәғәт эшмәкәре», «Мәҙәниәттә ҡатын-ҡыҙ».

Халыҡ-ара ҡатын-ҡыҙҙар көнөнә арналған финалда 10 номинацияның һәр береһендә бер нисә еңеүсе билдәләнә. Ҡатын-ҡыҙҙарҙы Башҡортостандың уңышлы ир-егеттәре һәм сәнғәт оҫталары бүләкләй, улар алдында концерт номерҙары менән сығыш яһай.

«Йылдан-йыл ҡатнашыусылар күбәйә, быйыл 500-ҙән ашыу ғариза килде, күрше төбәктәрҙән – Силәбе, Ырымбур өлкәләренән, Пермь крайынан вәкилдәр бар. Республиканың барлыҡ райондарынан тиерлек ҙур делегациялар ҡатнаша. Партия, ҡатын-ҡыҙҙар хәрәкәте әүҙемселәре бик күп, улар район-ҡалаларҙа ҡатын-ҡыҙҙар советтарын, башҡорт ҡатын-ҡыҙҙары йәмғиәттәрен етәкләй», — тип һөйләне Гөлнур Ҡолһарина.

Конкурсты «Берҙәм Рәсәй» партияһы һәм Башҡортостан Республикаһының Халыҡтар дуҫлығы йорто булышлығында Башҡорт ҡатын-ҡыҙҙары йәмғиәте үткәрә. Быйыл конкурс республика башлығы грантына ойошторола.

Финал барышында бер нисә ҡатын-ҡыҙға төп награда – Рәбиға Ҡушаева исемендәге «Ҡатын-ҡыҙ – милләт әсәһе» миҙалы тапшырыла. Инеү ирекле.

http://www.bashinform.ru/news/1419051-na-final-konkursa-zhenshchina-mat-natsii-priedet-100-letnyaya-rovesnitsa-respubliki/

1 из 6

#конкурс #башҡорт ҡатын-ҡыҙҙары

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.