Башҡортостан һәм Өфө яңылыҡтары
77.36
+0.67
87.59
+0.69
86.68
+0.41
-18 °C
Болотло
Бөтә яңылыҡтар
Йәмғиәт
12 Февраль 2020, 13:47

Мәскәүҙә Каринэ Хәбирова һәм Алһыу «Ете ҡыҙ» картиналар күргәҙмәһен асты

ашҡортостан Республикаһының Рәсәй Федерацияһы Президенты ҡарамағындағы Тулы хоҡуҡлы вәкиллеге
ӨФӨ, 2020 йыл, 12 февраль. /«Башинформ» мәғлүмәт агентлығы/. Башҡортостан Республикаһының Рәсәй Федерацияһы Президенты ҡарамағындағы Тулы хоҡуҡлы вәкиллегендә «Ете ҡыҙ» картиналар күргәҙмәһен асыу тантанаһы үтте.
Сарала Федерация Советы ағзалары, Дәүләт Думаһы депутаттары, Мәскәү Хөкүмәте, ижади интеллигенция һәм «Башҡортостан яҡташлығы» ойошмаһы вәкилдәре ҡатнашты.
«Ете ҡыҙ» ижади проекты ете рәссам — Лиана Мкртчян, Раушания Бәҙретдинова, Ринат Миңлебаев, Рафаэль Ҡадиров, Рәсих Әхмәтвәлиев, Әмир Мәжитов, Йәмил Сөләймәновтың эштәрен берләштерҙе. Уларҙың һәр береһе ҡурҡыу белмәҫ ете ҡыҙ тураһында халыҡ легендаһын үҙенсә һүрәтләгән. Проект авторы – Башҡортостан Республикаһы башлығының хәләл ефете Каринэ Хәбирова. Ул дөйөм концепцияны әҙерләгән һәм эштәрҙе һайлап алған.
«Ошо проектта ҡатнашырға теләк белдергән рәссамдарыбыҙға ҙур рәхмәт, — тип мөрәжәғәт итте Каринэ Хәбирова йыйылыусыларға. — Идея һәр рәссамдың «Ете ҡыҙ» башҡорт халыҡ легендаһынан ҡыҙ образын төшөрөүгә ҡайтып ҡалды. Эштәр төрлө һәм бик үҙенсәлекле килеп сыҡты».
Рәсәйҙең атҡаҙанған артисы Алһыу, Фәйзи Ғәскәров исемендәге дәүләт академия халыҡ бейеүҙәре ансамбле,Мәскәү ҡалаһы Башҡорт мәҙәни үҙәгенең ижади коллективтары, Гнесиндар исемендәге Рәсәй музыка академияһы студенты Гәлсәр Байғусҡарова сығыш яһаны.