Өфөлә грипп һәм киҫкен респиратор вирус инфекцияһы таралыуы сәбәпле, тағы бер мәктәп карантинға ябылды

ӨФӨ, 2020 йыл, 7 февраль. /«Башинформ» мәғлүмәт агентлығы/. 7 февралдә грипп һәм киҫкен респиратор вирус инфекцияһының эпидемия сиге күтәрелеүе сәбәпле, тағы бер белем усағы карантинға ябылды. Хәҙер исемлектә 12 учреждение: И.И. Рыбалко исемендәге 113-сө мәктәп, 132-се мәктәп, А.М. Горький исемендәге 3-сө гимназия, 71-се мәктәп, 14-се мәктәп, Мостай Кәрим исемендәге 158-се гимназия, 41-се мәктәп, 1-се лицей, 4-се мәктәп, 124-се мәктәп, 100-сө мәктәп, 107-се мәктәп. Өфө хакимиәтендә белдереүҙәренсә, ҡалала ауырыусылар 15,5% тәшкил итә.

Юғарыла әйтелгән мәктәптәрҙән тыш, 141 класс карантинда.

Бынан алда «Башинформ» агентлығы хәҙер Өфөлә 10 меңдән ашыу уҡыусының карантинда булыуы хаҡында хәбәр иткәйне.