Республикала йәнлектәр менән яуаплы мөғәмәлә итеү тураһында закон ҡабул ителә

ӨФӨ, 2020 йыл, 17 ғинуар. /«Башинформ» мәғлүмәт агентлығы/. Башҡортостанда йәнлектәр менән яуаплы мөғәмәлә итеү тураһында закон ҡабул ителә. Был турала Башҡортостан Республикаһы Дәүләт Йыйылышы – Ҡоролтайҙың матбуғат хеҙмәтенән хәбәр иттеләр.

Депутаттар 30 ғинуарҙағы пленар ултырышта «Урындағы үҙидара органдарына Башҡортостан Республикаһының ҡайһы бер дәүләт вәкәләттәрен биреү тураһында»ғы Башҡортостан Республикаһы Законына үҙгәрештәр индереү тураһында закон проектын ҡарай.

«Закон проекты йәнлектәрҙе яҡлау, уларға кешелекле мөнәсәбәттә булыу һәм кешенең хәүефһеҙлеген тәьмин итеү маҡсатында улар менән мөғәмәлә итеү өлкәһендәге эшмәкәрлекте көйләй, – тип аңлатма бирҙе Дәүләт Йыйылышы рәйесе Константин Толкачев. – Хужаһыҙ хайуандарҙы тотоу һәм аҫрау менән муниципалитеттар шөғөлләнә. Ҡануниәттәге үҙгәрештәр уларға өҫтәмә бурыстар йөкмәтә: урамда йөрөгән берәҙәк хайуандарҙы стерилләргә һәм элекке йәшәгән урынына кире ҡайтарырға, үлемесле сирлеләренә эвтаназия эшләргә, баҫҡынсыл булғандарын ғүмерлеккә махсус приюттарҙа тоторға. Быларҙың барыһы ла бюджетҡа өҫтәмә йөкләмә һала».

Парламент спикеры һүҙҙәренсә, әлеге ваҡытта республика бюджеты йыл һайын йәнлектәрҙе тотоу һәм аҫрау өсөн муниципалитеттарға 63,4 миллион һумға субвенциялар бүлә. Закондың яңы талаптарына бәйле сумма арттырыла. Закон проекты ошо эшмәкәрлекте финанслау нормативтарын иҫәпләүҙең яңы методикаһын тәҡдим итә.

Дәүләт Йыйылыш рәйесе этик һәм халыҡтың һаулығын һаҡлау йәһәтенән дә ошо эштең әһәмиәтен билдәләне.

http://www.bashinform.ru/news/1402576-v-bashkirii-budet-prinyat-zakon-ob-otvetstvennom-obrashchenii-s-zhivotnymi/

Теги:ҡануниәт хайуандар

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».