Республикала йәшәүселәр «Хәүефһеҙ мөхит» порталында хәмерҙе законһыҙ һатыу урындары хаҡында хәбәр итә ала

Карина Камаева

IMPORT Сервисный

ӨФӨ, 2019 йыл, 16 декабрь. /«Башинформ» мәғлүмәт агентлығы, Галина Бахшиева/. Башҡортостанда йәшәүселәр «Хәүефһеҙ мөхит» порталында хәмерҙе законһыҙ һатыу урындары хаҡында хәбәр итә ала, тип иҫкә төшөрҙөләр республиканың Сауҙа һәм ҡулланыусылар хоҡуҡтарын яҡлау буйынса дәүләт комитетында.

Бының өсөн мөрәжәғәт формаһын тултырырға һәм республика картаһында аныҡ нөктәне билдәләргә кәрәк. Шунан һуң мөрәжәғәтте Башҡортостанда алкоголгә ҡаршы кампанияға яуап биргән власть органдары вәкилдәре ҡарай.

«Хәүефһеҙ мөхит» сайты йыл башында «Асыҡ Республика» проекты сиктәрендә әҙерләнде.

Уның төп бурысы – Башҡортостан халҡына район, ҡала, тотош республика тормошондағы аныҡ проблемаларға күрһәтеү мөмкинлеге биреү.

2019 йылдың яҙында Башҡортостан етәксеһе Радий Хәбиров, ялған алкоголь һатыуҙы «халыҡҡа ҡарата геноцид» тип атап, бутлегерҙарға ҡаршы көрәш иғлан итте.

«Беҙ ошо әшәкелек менән күптән көрәшәбеҙ. Ләкин элек был көрәштә хоҡуҡ һаҡлау органдары, муниципалитеттар, башҡа ведомстволар һәм ойошмалар һәр береһе айырым эш алып бара ине. Ҡайһы бер муниципалитеттарҙың тәжрибәһен ҡарағас, әлеге көрәштә иң мөһименең булмауын аңланым. Әгәр кешеләр булды һәм урындағы бутлегерҙарға «юҡ!» тип әйтергә ваҡыт еткәнен аңламай икән, бер нәмә лә килеп сыҡмай, — тип яҙҙы Радий Хәбиров апрелдә социаль селтәрҙәге сәхифәһендә. — Халыҡ был саҡырыуҙы ғына көткән кеүек. Хәҙер тотош республикала сходтар бара, улар власҡа үлем менән һатыу итеүселәрҙең адресын әйтә һәм ауылдарҙы уларҙан таҙартыуҙы талап итә. Был видеоны миңә яҡташтарым ебәргән. Ләкин уларға ғына түгел, ә ошондай сходтар үткәргән һәм һатыусыларҙың адресын әйткәндәрҙең һәммәһенә лә уларҙы власть ишеткәнме, юҡмы икәнен шәхсән контролдә торорға вәғәҙә бирәм».

Май аҙағында Башҡортостан Дәүләт Йыйылышы – Ҡоролтай депутаттары «Башҡортостан Республикаһында этил спирты, алкоголле һәм спиртлы продукция етештереү, уларҙың әйләнеше өлкәһендәге эшмәкәрлекте көйләү һәм алкоголле продукцияны ҡулланыуҙы сикләү тураһында» республика законына үҙгәрештәр индерҙе. Магазиндарҙа киске сәғәт 10-дан иртәнге 10-ға тиклем (элек киске 11-ҙән иртәнге 8-гә тиклем ине) иҫерткес эсемлектәр һатырға ярамай.

Бынан тыш, Йәштәр көнөндә (27 июндә), Белем көнөндә (1 сентябрҙә) һәм һабантуй уҙғарылған көндәрҙә алкоголь һатыу тыйылды.

Хәҙер 3 ғинуарҙа республикала алкоголь һатыуҙы бөтөнләй тыйыуҙы күҙ уңында тотҡан закон проекты Башҡортостан Дәүләт Йыйылышында ҡарала. 4-6 ғинуарҙа хәмерҙе урындағы ваҡыт буйынса иртәнге сәғәт 10-дан көндөҙгө 2-гә тиклем генә һатырға тәҡдим ителә.

http://www.bashinform.ru/news/1392143-zhiteli-bashkirii-mogut-soobshchit-o-domoroshchennykh-butlegerakh-na-portale-bezopasnaya-sreda-/

#ялған алкоголь

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.