«Йәш атайҙарҙы өйҙә балалары һәм ҡатындары көтә»: Радий Хәбиров Башҡортостан вахтасылары проблемаһы менән шөғөлләнә

www.facebook.com/radiyhabirov

ӨФӨ, 2019 йыл, 4 декабрь. /«Башинформ» мәғлүмәт агентлығы/. Башҡортостан Башлығы Радий Хәбиров Дәүләт хеҙмәт инспекцияһына һәм Хеҙмәт министрлығына Башҡортостан вахтасыларын Владивостокка ебәргән «Өфөнефтемаш» компанияһын тикшерергә ҡушты. Эшселәр ҡайта алмай, уларҙың билетҡа ла аҡсаһы юҡ.

«Кисәнән бирле предприятиела тикшереү бара. Миңә унда финанс дисциплинаһын боҙоу осраҡтары булыуы хаҡында әйттеләр – кешеләргә айҙар буйына хеҙмәт хаҡы түләнмәй. Ә эш ауыр, карап төҙөү комплексында эшләйҙәр. Күптәренең ипотекаһы бар, йәш атайҙарҙы өйҙә балалары һәм ҡатындары көтә. Хәҙер уларҙың юлға ла аҡсаһы юҡ. Ярҙам күрһәтеү өсөн мөмкинлектәр эҙләйбеҙ», — тип хәбәр итте республика етәксеһе социаль селтәрҙә.

Радий Хәбиров ошондай ғәҙелһеҙлеккә юл ҡуйған предприятие етәкселәренең закон сиктәрендә яуаплылыҡҡа тарттырылыуын шәхсән күҙәтермен тип белдерҙе.

«Язаның ҡотолғоһоҙ булыуы ғына беҙгә артабан ошондай хәлдәргә юл ҡуймаҫҡа мөмкинлек бирер. Беҙҙә ай һайын 100 меңдән ашыу кеше вахтаға юллана. Күптәре оҙон аҡса эҙләп сығып китә, кемдер үҙенең ҡалаһында йәки ҡасабаһында эш таба алмай. Шуға ла мин республикала эш урындары булдырғандарҙың бөтәһен дә ҡулда күтәреп йөрөтөргә кәрәк тип әйтәм», — тине республика башлығы.

Ә «Өфөнефтемаш» директоры иһә хеҙмәткәрҙәр алдындағы бурысты Яңы йылға тиклем түләп бөтөрөргә вәғәҙәләне. Кисә Башҡортостандан 38 кеше самолетҡа билет алған.

«Хеҙмәт хаҡын ваҡытында түләмәү «Өфөнефтемаш» яуаплылығы сикләнгән йәмғиәтенең эске сәбәптәренә бәйле. Был – кредит түләү һәм ағымдағы эшмәкәрлекте дауам итеү өсөн төп материалдар һатып алыу. Шул сәбәпле эшселәр алдында сентябрь-октябрь айҙары өсөн бурыс барлыҡҡа килде. Ике-өс аҙнала бурысты түләрбеҙ, предприятиеның финанс хәле тотороҡланыр», — тип «Өфөнефтемаш» яуаплылығы сикләнгән йәмғиәте директоры Руслан Ғәлиуллиндың һүҙҙәрен килтерә bash.news.

http://www.bashinform.ru/news/1386959-molodykh-pap-zhdut-doma-deti-i-zhyeny-radiy-khabirov-zanyalsya-problemoy-bashkirskikh-vakhtovikov/

#радий хәбиров #вахта

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.