Өфөлә 2019 йылдың ғинуарынан ноябренә тиклем ВИЧ менән зарарланыуҙың 634 осрағы теркәлгән

IMPORT Сервисный

ӨФӨ, 2019 йыл, 4 декабрь. /«Башинформ» мәғлүмәт агентлығы/. Өфөлә 2019 йылдың ғинуарынан ноябренә тиклем ВИЧ менән зарарланыуҙың 634 осрағы теркәлгән.

Был хаҡта мэриялағы оператив кәңәшмәлә Республика СПИД-ты һәм йоғошло ауырыуҙарҙы иҫкәртеү, уларға ҡаршы көрәш үҙәгенең баш табибы Рафаэль Яппаров белдерҙе.

«Улар башлыса 31-40 йәшлек кешеләр», — тине ул.

Өфөлә 100 мең кешегә 633,9 вирус йөрөтөүсе тура килә. Баш ҡала зарарланыусылар һаны буйынса Башҡортостанда дүртенсе урынды биләй. Күңелһеҙ рейтингта беренсе урында — Күмертау, икенселә — Салауат, өсөнсөлә – Стәрлетамаҡ.

Өфөлә вирус йоҡторғандарҙың күбеһе Калинин районында йәшәй, икенсе урында – Орджоникидзе, өсөнсөлә һәм дүртенселә – Ленин һәм Дим райондары. Октябрь, Совет һәм Киров райондарында ВИЧ йөрөтөүселәр аҙыраҡ.

Бынан алда «Башинформ» Башҡортостандың Һаулыҡ һаҡлау министрлығы мәғлүмәттәренә һылтанма менән Учалыла, Белоретта, Октябрьскийҙа һәм Туймазыла вирус менән сирләү буйынса хәлдең көсөргәнешле булыуы тураһында хәбәр иткәйне.

СПИД-ты иҫкәртеү һәм уға ҡаршы көрәшеү үҙәге етәксеһе мәғлүмәттәренә ярашлы, ауырыу йышыраҡ һаҡланмай енси мөнәсәбәткә ингәндә күсә.

Инфекцияның таралыуына юл ҡуймау өсөн, Рафаэль Яппаров һүҙҙәренсә, коммерцияға ҡарамаған ойошмаларҙы халыҡтың төп төркөмдәрендә ВИЧ-ты иҫкәртеү буйынса сараларҙа ҡатнашырға йәлеп итергә, шулай уҡ сир күрһәткестәре юғары булған биләмәләрҙә, шул иҫәптән Өфө предприятиелары коллективтарында экспресс-тест акцияһын үткәрергә кәрәк.

http://www.bashinform.ru/news/1386672-v-ufe-s-yanvarya-po-noyabr-2019-goda-zaregistrirovano-634-novykh-sluchaya-zarazheniya-vich/

#инфекция #вич #спид

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.