Башҡортостан һәм Өфө яңылыҡтары
69.59
+0.26
75.78
+0.37
83.79
-0.71
-6 °C
Болотло
Бөтә яңылыҡтар
Йәмғиәт
2 Декабрь 2019, 13:30

Башҡортостанда шәхси пассажир ташыусыларҙы терминал менән файҙаланырға мәжбүр итәләр

Олег Яровиков
Олег Яровиков
ӨФӨ, 2019 йыл, 2 декабрь. /«Башинформ» мәғлүмәт агентлығы/. Башҡортостанда шәхси пассажир ташыусыларҙы терминал менән файҙаланырға мәжбүр итәләр. Был мәсьәлә 2 декабрҙә Башҡортостан хөкүмәтендәге оператив кәңәшмәлә ҡаралды.
Бынан алда Башҡортостанда шәхси ташыусыларға ҡулаҡса ҡабул иткән өсөн яуаплылыҡ кисектерелгәйне.
«Беҙ юл хаҡын ҡулаҡсаһыҙ ҡабул итһен өсөн шәхси ташыусыларға административ баҫым яһайбыҙ. Санкциялар йәһәтенән федераль закон 2020 йылдың 1 июленән эшләй башлай», — тине Башҡортостан башлығы Радий Хәбиров.
Хәҙер шәхси ташыусыларҙың 99% касса техникаһын файҙаланмай. Терминал булһа ла, ул йыш ҡына тоташтырылмаған.
«Беҙгә, ниндәйҙер мәғәнәлә, халыҡ менән бергә түҙергә тура килер. Шәхси ташыусыларға иплерәк булырға, уларҙы яйлап күсерергә кәрәк. Беҙҙең бурыс – ваҡыт үткәс, 1 июлдән, штраф һалыуҙары тураһында һөйләү. Штрафтың күләме ҙур – 30 мең һум, йәғни улар үҙҙәренең айлыҡ хеҙмәт хаҡын шунда ҡалдыралар», — тине Радий Хәбиров.
Бынан тыш, Башҡортостан Республикаһының Транспорт һәм юл хужалығы буйынса дәүләт комитеты ташыусыларҙы терминал ҡулланырға мәжбүр иткән закон проектын әҙерләгән. Ведомство рәйесе Тимур Мөхәмәтйәнов һүҙҙәренсә, законға төҙәтмәләр ташыусыларҙың юл хаҡы өсөн түләгәндә контроль-касса техникаһын ҡулланырға тейешлеген күҙ уңында тота. Ошо талаптар үтәлмәгән осраҡта, Транспорт һәм юл хужалығы буйынса дәүләт комитеты ташыусыларға бирелгән таныҡлыҡты ғәмәлдән сығарыу тураһында ғариза менән судҡа мөрәжәғәт итергә хоҡуҡлы. Шулай уҡ закон кимәлендә билетһыҙ йөрөгән пассажирҙарҙы административ яуаплылыҡҡа тарттырыу механизмы әҙерләнә.
Башҡортостан башлығы әйтеүенсә, ташыусыларға юл өсөн ҡулаҡсаһыҙ иҫәпләшеүгә әҙерләнеүгә оҙаҡ ҡына ваҡыт бирелә. Бынан тыш, Радий Хәбиров пассажирҙарға ҡарата санкцияларға ҡағылышлы төҙәтмәләрҙе яңынан ҡарарға ҡушты. Транспорт системаһында тәртип урынлаштырмайынса, пассажирҙарға штраф һалыу тураһында һүҙ ҙә булыуы мөмкин түгел.
Читайте нас в