82.3
-0.47
Башҡортостан һәм Өфө яңылыҡтары
93.68
-0.48
65.54
+0.87
16+ °C
Ясна
Бөтә яңылыҡтар
Йәмғиәт
18 Ноябрь 2019, 11:38
Башҡортостан Russian Event Awards 2019 милли премияһының Гран-прийын һәм көмөш миҙалын алды
Рушана Ибраева, Рина Гринберг, Айгөл Үтәгәнова, Fb
ӨФӨ, 2019 йыл, 18 ноябрь. /«Башинформ» мәғлүмәт агентлығы/. Башҡортостандың туристик проекттары 2019 йылда ваҡиғалар туризмы өлкәһендәге Russian Event Awards милли премияһының Гран-прийын һәм көмөш миҙалын алды. «Тарих йүнәлешендәге иң яҡшы туристик ваҡиға» номинацияһында «Сармат вариҫтары» этно-фольклор фестивале» проекты еңеү яуланы. Башҡортостан Республикаһының Туризмды үҫтереү үҙәге хеҙмәткәре Айгөл Үтәгәнова «Фейсбук»тағы сәхифәһендә ошо хаҡта хәбәр итте.
Уның һүҙҙәренсә, Балаково ҡалаһында уҙған төбәк этабында «сарматтар», Вятканан «Хлыновская застава» фестиваленән генә ҡалышып, икенсе булды. Финал алдынан ҙур әҙерлек этабы уҙҙы.
«Беҙ финалға шәп видеоролик; сармат алтыны коллекцияһынан күсермәләр — постаменттағы айыу, болан; буҙа, әсе бал, сармат сувенир продукцияһы; үҙебеҙҙең сарматтарса еңелеү белмәҫ кәйеф менән барҙыҡ», — тип яҙҙы Айгөл Үтәгәнова.
Бынан тыш, Милли премияла ҡатнашыусылар алдында Башҡортостандың ике атҡаҙанған артисы, «Мәргән уҡсы» клубы йондоҙҙары Урал Мортазин һәм Роберт Хәмиҙуллин сығыш яһаны. Улар сыбыртҡы менән трюктар, уҡтан атып, ҡылыс менән алышып күрһәтте.
«Мин был фестивалде яратам — ул бик шәп. Уны беҙҙең шеф уйлап сығарҙы, мин план төҙөнөм, һуңынан беҙ уны тормошҡа ашырҙыҡ. Хәҙер ул абруйлы Russian Event Awards конкурсында тарих йүнәлешендәге иң яҡшы туристик ваҡиға булды», — тип билдәләне Башҡортостан Республикаһының Туризмды үҫтереү үҙәге хеҙмәткәре.
«Иштуған» ҡыҫала тотоу фестивале» проекты «Ауыл һәм агротуризм өлкәһендә иң яҡшы туристик ваҡиға» номинацияһында икенсе урынды алды, тип хәбәр итте фестивалде ойоштороусы Рина Гринберг.
Ваҡиғалар туризмы өлкәһендәге Russian Event Awards милли премияһын ойоштороусылар мәғлүмәте буйынса, 15-17 ноябрҙә Һамарҙа уҙған финалда илдең 51 төбәгенән 217 проект, Белоруссиянан һәм Латвиянан ике сит ил проекты ҡатнашты. Үҙ проекттары менән таныштырыу өсөн 500-ҙән ашыу кеше килде. Милли премияға илдең 72 төбәгенән бөтәһе 683 проект тәҡдим ителде.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».