Республикала «Географик диктант» 700-ҙән ашыу майҙансыҡта ойошторола

dictant.rgo.ru

IMPORT Сервисный

ӨФӨ, 2019 йыл, 24 октябрь. /«Башинформ» мәғлүмәт агентлығы/. Башҡортостанда йәшәүселәр «Географик диктант»ты 700-ҙән ашыу майҙансыҡта яҙа. Рәсәйҙә һәм сит илдәрҙә уларҙың дөйөм һаны 5,5 меңдән ашып китте. Был — акция үткәрелгән осорҙа рекордлы һан. Былтыр диктант 3532 майҙансыҡта уҙҙы.

«Географик диктант-2019» 27 октябрҙә ойошторола. Күләмле халыҡ-ара акцияның инициаторы – Рәсәй президенты Владимир Путин. Рус география йәмғиәте уны бишенсе тапҡыр үткәрә. Беренсе Географик диктант 2015 йылда булды, ошо ваҡыт эсендә унда 900 меңдән күберәк кеше ҡатнашты.

Быйыл диктант, ғәҙәттәгесә, юғары уҡыу йорттарында, мәктәптәрҙә, ғилми институттарҙа, китапханаларҙа ойошторола. География буйынса белемде поездарҙа һәм вокзалдарҙа, ҡурсаулыҡтарҙа һәм «Варяг» ракета крейсерында, Санкт-Петербургта Рус география йәмғиәтенең Штаб-фатирында, «Күскенсе» этнопаркында һәм «Рәсәй — минең тарихым» тарихи парктарында ла тикшереп ҡарарға мөмкин.

Диктант-2019 дүрт вариантта төҙөлгән: Рәсәй һәм сит илдәр биләмәһендәге майҙансыҡтарҙа, онлайн Диктант уҙғарыу, күреү буйынса инвалидтар өсөн һәм күрһәтеү варианты. Барлыҡ варианттар ҙа рус һәм инглиз телдәрендә әҙерләнгән. Һәр вариант ике өлөшкә бүленгән 40 һорауҙан тора.

Бөтә илдәрҙә лә акция 27 октябрҙә урындағы ваҡыт буйынса көндөҙгө сәғәт 12-лә башлана. Онлайн Диктант акцияның сайтында dictant.rgo.ru Мәскәү ваҡыты буйынса көндөҙгө 2-лә асыла. Уны биш көн дауамында – 31 октябргә көндөҙгә сәғәт 2-гә тиклем яҙырға мөмкин.

http://www.bashinform.ru/news/1370444-v-bashkirii-geograficheskiy-diktant-2019-napishut-bolee-chem-na-700-ploshchadkakh/

#географик диктант #рус география йәмғиәте

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.