Понедельник, 25 Мая 2026

Уфа

+27 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

10:19 (UTC+5), 23 Октября 2019

«Алтын бишек» конкурсы еңеүсеһе өсөн трактор Учалы районына юллана

«Башҡортостан» ДТРК-һы һәм Юлай Кәримов

IMPORT Сервисный

ӨФӨ, 2019 йыл, 23 октябрь. /«Башинформ» мәғлүмәт агентлығы, Ләйлә Аралбаева/. «Башҡортостан» дәүләт телерадиокомпанияһында «Алтын бишек» конкурсына йомғаҡ яһалды. Еңеүселәр «Рәсәй 1 — Башҡортостан» телеканалында бүләкләнде. Тура эфирҙа иң яҡшы ҡатнашыусыларға бағыусыларҙан мини-трактор һәм телевизорҙар тапшырылды, шунан һуң еңеүселәр журналистарҙың һорауҙарына яуап бирҙе.

«Алтын бишек» конкурсы бер нисә йыл рәттән уҙғарыла. Быйыл ул республиканың 100 йыллығына бағышланды. Башҡортостандың биш районынан алты ауыл халҡы ҡатнашты. Телевидениеның ижади төркөмө һәр ауылға барып, хеҙмәт кешеләренең тормошо тураһында репортаж төшөрҙө. Дәүләт телерадиокомпанияһы сайтында халыҡтың тауыш биреү һөҙөмтәләре буйынса Учалы районының Бәләкәй Ҡаҙаҡҡол ауылы еңеүсе булды – ошо ауыл өсөн 27294 тамашасы тауыш бирҙе.

«Был конкурста ҡатнашыу ауылыбыҙҙа йәшәүселәрҙең барыһын да берләштерҙе. Беҙҙең өсөн янып-көйгән һәм тауыш биргәндәрҙең бөтәһенә лә рәхмәт белдерәбеҙ. Экологик акцияларҙы даими үткәрәбеҙ, трактор беҙгә бик кәрәк», — тип билдәләне Амангилде ауыл советы башлығы Илдар Килмөхәмәтов.

«Иң яҡшы ғаилә-2019» номинацияһында Әбйәлил районының Әбделмәмбәт ауылынан Насировтар ғаиләһе еңеү яуланы. Улар өсөн 8 534 кеше тауыш бирҙе.

«Ғаиләлә иң мөһиме – бер-береңде хөрмәт итеү һәм аңлау. Ғаиләбеҙҙә дүрт ҡыҙ һәм бер ул тәрбиәләйбеҙ. Өлкән ҡыҙыбыҙ медицина колледжын тамамлап, Магнитогорск дауаханаһында эшләп йөрөй, икенсе ҡыҙыбыҙ — ошо уҡ колледж студенты. Тағы ике ҡыҙыбыҙ һәм улыбыҙ мәктәптә уҡый», — тип һөйләне Ғәлиә һәм Сәлих Насировтар.

«Алтын ҡулдар» номинацияһында беренсе урынды Әбйәлил районынан Гөлйөҙөм Сафина алды. Ул – буҙа ҡойоу оҫтаһы. Республиканың һәр районында буҙаны үҙҙәренсә әҙерләйҙәр. Гөлйөҙөм дә үҙ рецебы менән бүлеште – ул эсемлеккә һыйырҙың эс майын ҡуша.

«Буҙаны бала саҡтан эшләйем. Элек әсәйем әҙерләй ине, аҙаҡ мине лә өйрәтте. Был — шифалы эсемлек, бик күп сирҙәрҙән дауа», — тине Гөлйөҙөм Сафина.

«Ауылды һаҡлаған өсөн» махсус бүләге Тәтешле районының Шүлгән ауылына тапшырыла.

1 из 6

«Ауылыбыҙ тауҙар араһында урынлашҡан, тәбиғәт бик матур. Райондың иң төҙөк ауылдарының береһе, беҙҙә эш һөйөүсән халыҡ йәшәй. Беҙҙең хатта төрлө сараларға һәм халыҡ байрамдарына йәм өҫтәгән оркестрыбыҙ ҙа бар», — ти ауыл советы башлығы Ынйы Бәҙретдинова.

http://www.bashinform.ru/news/1369901-traktor-dlya-pobeditelya-konkursa-altyn-bishek-otpravlyaetsya-v-uchalinskiy-rayon/

#конкурс #дәүләт телерадиокомпанияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.