Шаршамбы, 29 Апрель 2026

Өфө

+9 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Йәмғиәт

05:27 (UTC+5), 16 Октябрь 2019

Рәсәйҙең Һанлы үҫеш министрлығы Башҡортостандың һанлы тапшырыуға күсеүен юғары баһаланы

http://gsrb.ru

IMPORT Сервисный

ӨФӨ, 2019 йыл, 16 октябрь. /«Башинформ» мәғлүмәт агентлығы, Галина Бахшиева/. Рәсәйҙең Һанлы үҫеш, элемтә һәм киң коммуникациялар министрлығы Башҡортостандың һанлы тапшырыуға күсеүен юғары баһаланы.

«Беҙ республиканың «һан»ға күсеүен юғары баһаланыҡ. Башҡортостан тоташтырыуҙың дүртенсе этабына эләкте, ә быға тиклемге ваҡыт халыҡ федераль телевизион каналдарҙың тапшырыу формаһының үҙгәреүен тойһон өсөн тулыһынса файҙаланылды», — тип белдерҙе Өфөлә Рәсәй Федерацияһының һанлы үҫеш, элемтә һәм киң коммуникациялар министры урынбаҫары Алексей Волин Башҡортостан Дәүләт Йыйылышы – Ҡоролтай депутаттары, Рәсәйҙең төбәк телерадиокомпаниялары вәкилдәре менән осрашыуҙа.

Алексей Волин һанлы тапшырыуға күсеүгә бәйле мәсьәләләрҙе тиҙ хәл итеү өсөн махсус ойошторолған урындағы «ҡыҙыу бәйләнеш»тең уңышлы эшләүенә иғтибар итте.

Әйтәйек, кисә «ҡыҙыу бәйләнеш»кә меңдән ашыу шылтыратыу ҡабул ителде. Унан алдағы көндә лә шунса булды. Операторҙар шылтыратыуҙарға тиҙ, бер нисә секунд эсендә яуап бирҙе, шуға күрә «бер ниндәй ҙә тотҡарлыҡ булманы», тип билдәләне Алексей Волин.

Башҡортостандың Матбуғат һәм киң мәғлүмәт саралары агентлығы етәксеһе Борис Мелкоедов әйтеүенсә, «ҡыҙыу бәйләнеш»кә шылтыратыусыларҙы һанлы тапшырыуға нисек тоташырға тигән һорау ғына борсой.

«Ирекмәндәргә лә ғаризалар бар. Ирекмәндәр хәрәкәте ярҙамында республика оло йәштәге һәм аҙ хәрәкәт иткән кешеләргә «һан»ға күсеүҙә булышлыҡ күрһәтә», — тип өҫтәне Борис Мелкоедов.

Илдең Һанлы үҫеш, элемтә һәм киң коммуникациялар министрлығы вәкилдәре фекеренсә, Башҡортостанда ирекмәндәр эше, «ҡыҙыу бәйләнеш» кеүек үк, юғары кимәлдә ойошторолған.

Уларҙың һүҙҙәренсә, әле көн дауамында ирекмәндәр ярҙамын күрһәтеү менән бәйле 200-250 самаһы ғариза килә. Хәҙер ирекмәндәрҙе көтөүгә сират юҡ.

1 из 8

http://www.bashinform.ru/news/1366683-minkomsvyazi-rossii-vysoko-otsenilo-gotovnost-bashkirii-k-perekhodu-na-tsifrovoe-veshchanie/

#һанлы тапшырыу #волин #мелкоедов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.