«Йәшел Башҡортостан»: республикала 138 мең кеше бер көндә 69 мең ағас ултыртты

Башҡортостан Торлаҡ-коммуналь хужалыҡ министрлығы

IMPORT Сервисный

ӨФӨ, 2019 йыл, 7 октябрь. /«Башинформ» мәғлүмәт агентлығы, Галина Бахшиева/. Республикала 138 мең кеше, уларҙың 93 меңдән ашыуы — балалар, 5 октябрҙә барлыҡ ҡалаларҙа һәм райондарҙа уҙған «Йәшел Башҡортостан» акцияһында ҡатнашты.

«Бер көндә Башҡортостанда, Республика көнө алдынан, 69 мең ағас ултыртылды, шуларҙың 38 меңе — бейек ағастар. 396 тораҡ пункт йәшелләндерелде. Был көндө йәшелләндерелгән участкаларҙың дөйөм майҙаны 146 гектар тәшкил итте», — тип белдерҙе республика Хөкүмәтендәге оператив кәңәшмәлә Башҡортостандың вице-премьеры, торлаҡ-коммуналь хужалыҡ министры вазифаһын башҡарыусы Борис Беляев.

Акцияның төп маҡсаты — экологик проблемаларға иғтибарҙы йәлеп итеү, ҡалаларҙы һәм ауылдарҙы йәшелләндереү, уларҙың тышҡы йөҙөн күркәмләндереү.

Борис Беляев һүҙҙәренсә, «акцияла тотош ғаиләләре менән ҡатнаштылар», ололар ҙа байтаҡ ине.

Ултыртылған ағастар иҫәбендә — ҡарағай, шыршы, ҡайын, йүкә, каштан, тирәк, шулай уҡ гөлйемеш, миләш, спирея үҫентеләре.

Дөйөм алғанда, Башҡортостанда 245 тематик аллея булдырылды. Улар араһында — Стәрлетамаҡта Батырлыҡ аллеяһы — республикала иң оҙоно, Нефтекамала саған аллеяһы. Бынан тыш, иҫәп буйынса икенсе акция үткәреү һөҙөмтәһендә Башҡортостанда «Сипайлово ҡарағайҙары» аллеяһы, Тормош аллеяһы, Ғаилә аллеяһы, Азатлыҡ аллеяһы, балалыҡ скверы һәм башҡалар барлыҡҡа килде.

«Ошо күләмле акцияға һәйбәт әҙерләнгәндәре һәм үткәргәндәре өсөн барлыҡ муниципалитеттарға рәхмәт белдерәм. Республикабыҙ тағы ла матурланды. Хәҙер ултыртылған ағастар һәләк булмаһын өсөн уларҙы дөрөҫ тәрбиәләүҙе ойоштороу мөһим», — тип өҫтәне вице-премьер вазифаһын башҡарыусы Борис Беляев.

Республика етәксеһе Радий Хәбиров та акцияға ҡушылды һәм Сипайлово биҫтәһендә Яр буйы урамында Өфө мэры Өлфәт Мостафин, 155-се лицей уҡытыусылары, уҡыусылары һәм ата-әсәләр менән бергә ҡарағайҙар ултыртты. Дөйөм алғанда, бында 100-ҙән ашыу ағас ултыртылды.

«Башинформ» агентлығы хәбәр иткәнсә, беренсе «Йәшел Башҡортостан» акцияһы 2019 йылдың апрелендә уҙҙы. Унда 160 меңдән ашыу кеше ҡатнашты. 164 тематик аллея булдырылды, 109 меңдән күберәк ағас һәм ҡыуаҡ ултыртылды.

http://www.bashinform.ru/news/1363046-zelenaya-bashkiriya-za-odin-den-138-tysyach-zhiteley-respubliki-posadili-69-tysyach-derevev/

#экологик акция #йәшел башҡортостан

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.