Башҡортостан һәм Өфө яңылыҡтары
70.38
0
76.73
0
80.19
+0.25
-21 °C
Болотло
Бөтә яңылыҡтар
Йәмғиәт
3 Октябрь 2019, 12:39

Республикала башҡаларға оҡшамаған инвалид ҡыҙыҡайҙы Израиль табиптары тикшерә

Динар Зәйнуллин
Динар Зәйнуллин
ӨФӨ, 2019 йыл, 3 октябрь. /«Башинформ» мәғлүмәт агентлығы/. Стәрлетамаҡ районының Алатана ауылынан Софья Ғиззәтуллинаны Израиль табиптары тикшерә. «Валдай» халыҡ-ара дискуссия клубының XVI ултырышы барышында Башҡортостан Башлығы Радий Хәбиров ошо хаҡта хәбәр итте.
«Октябрь аҙағына Израиль табиптарын саҡырҙыҡ, сөнки сир ҡатмарлы. Тулыһынса тикшереү үткәрәбеҙ, әлбиттә, тулыһынса республика иҫәбенә, беҙҙең ундай мөмкинлегебеҙ бар, ҡыҙыҡайҙы дауаларбыҙ», — тип Хәбировтың һүҙҙәрен килтерә ТАСС.
«Башинформ» агентлығы Башҡортостан Башлығы Радий Хәбировтың ике йәшлек Софья Ғиззәтуллинаның яҙмышы менән шәхсән шөғөлләнәсәген хәбәр иткәйне. Шулай уҡ әлеге ваҡытта иҫке йортта бер ниндәй шарттарһыҙ йәшәгән ғаилә ике бүлмәле фатир менән тәьмин ителәсәге хаҡында мәғлүмәт бирелде.
Бынан алда республика хәйриә фонды ағзалары Стәрлетамаҡ районынан ике йәшлек Софья Ғиззәтуллинаға башҡаларҙы ҡурҡытмаһын өсөн балалар баҡсаһына юллама бирмәүҙәрен яҙып сыҡты. Әлеге осраҡ буйынса прокуратура тикшереү эшен башланы.
Читайте нас в