Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
24 Сентябрь 2019, 10:31

Яңауыл районының Истәк ауылында милли проект сиктәрендә һатып алынған яңы фельдшер-акушерлыҡ пункты асылды

Башҡортостандың Һаулыҡ һаҡлау министрлығы
Башҡортостандың Һаулыҡ һаҡлау министрлығы
ӨФӨ, 2019 йыл, 24 сентябрь. /«Башинформ» мәғлүмәт агентлығы/. Яңауыл районының Истәк ауылында «Һаулыҡ һаҡлау» милли проекты аҡсаһына һатып алынған беренсе фельдшер-акушерлыҡ пункты асылды, тип хәбәр иттеләр Башҡортостандың Һаулыҡ һаҡлау министрлығынан. Иҫке фельдшер-акушерлыҡ пункты 1969 йылда һалынған ағас йортта урынлашҡан булған, 2018 йылдың апрелендә ул авария хәлендә тип танылған.
Истәк фельдшер-акушерлыҡ пункты 620 кешене, шул иҫәптән 134 баланы хеҙмәтләндерә.
Типовой бина «Һаулыҡ һаҡлау» милли проектының «Беренсел медик-санитар ярҙамы күрһәтеү системаһын үҫтереү» проекты сиктәрендә һатып алынған. Ағымдағы йылда республика Һаулыҡ һаҡлау министрлығы:
— 29 модулле ФАП-тар һатып алырға, шуларҙың алтауһы элек ФАП булмаған һәм 100-ҙән ашыу кеше йәшәгән ҡасабаларҙа; 23 авариялы биналарҙы алмаштырырға;
— Рәсәйҙең Ауыл хужалығы министрлығы программаһы буйынса өс ФАП төҙөргә;
— 27 күсмә медицина комплексы һатып алырға (7 флюорограф һәм 20 күсмә ФАП) ниәтләй.
Ошо маҡсатҡа 376 миллион һум йүнәлтелгән, шуның 266,2 миллионы – федераль бюджеттан.
Читайте нас: