Среда, 29 Апреля 2026

Уфа

+9 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

12:24 (UTC+5), 02 Сентября 2019

Башҡортостан етәксеһе һәм Рәсәй Президентының тулы хоҡуҡлы вәкиле Өфө уҡыусыларын Белем көнө менән ҡотланы

Олег Яровиков

IMPORT Сервисный

ӨФӨ, 2019 йыл, 2 сентябрь. /«Башинформ» мәғлүмәт агентлығы, Галина Бахшиева/. Рәсәй Президентының Волга буйы федераль округындағы тулы хоҡуҡлы вәкиле Игорь Комаров һәм Башҡортостан Башлығы вазифаһын ваҡытлыса башҡарыусы Радий Хәбиров Өфөнөң 105-се гимназияһында Белем көнөнә арналған тантанала ҡатнашты.

Илдең барлыҡ мәктәптәрендәге кеүек үк, бөгөн Өфөнөң 105-се гимназияһында беренсе класс уҡыусылары өсөн тәүге ҡыңғырау яңғыраны.

«Бөгөн — һәммәбеҙ, айырыуса беренселәр өсөн мөһим көн. Һеҙҙең алда яңы донъя — белем донъяһы асыла, унда һеҙҙе яңы дуҫтар, аң-белем һәм асыштар көтә. Был - тормошоғоҙҙағы оло юлдың башы ғына, — тине Игорь Комаров. — Мәктәп тамамлаусыларға айырым мөрәжәғәт иткем килә. Мәктәптә уҡырға бер йыл ғына ваҡытығыҙ ҡалды, шунан һуң тормошоғоҙҙа яңы осор башлана. Ошо йылды файҙалы үткәреүегеҙҙе, уның һөнәрегеҙҙе дөрөҫ һайлауҙа ярҙам итеүен теләйем».

Республика етәксеһе Игорь Комаровтың теләктәренә ҡушылды.

«Беренселәргә изгелек һәм белем ишектәренең асылыуын теләр инем. Яҡшы уҡығыҙ, спорт менән шөғөлләнегеҙ, — тип мөрәжәғәт итте Радий Хәбиров. — Ә сығарылыш уҡыусыларына тәү сиратта уңыштар, рух ныҡлығы теләйем. Уҡыу йылы имтихандар менән тамамлана, күп нәмә уларҙың һөҙөмтәһенә бәйле. Әлбиттә, уҡытыусыларға сикһеҙ рәхмәт һүҙҙәре. Изгелекле, үҙ эшегеҙҙең оҫтаһы булған, балаларыбыҙҙы илебеҙҙең ысын граждандары итеп тәрбиәләгәнегеҙ өсөн ҙур рәхмәт».

Ике йылдан 60 йыллығын билдәләргә тейешле гимназияла бөгөн 1,2 меңдән ашыу бала уҡый. 10-11 кластарҙа физика-математика йүнәлеше буйынса профилле уҡытыу алып барыла.

Гимназияның бөтә кабинеттары кәрәкле интерактив ҡорамал менән йыһазландырылған.

3D-моделләү һәм прототиплау лабораторияһы булған инженер-технологик профилле кабинет айырыуса ҙур ғорурлыҡ тыуҙыра. Башланғыс һәм урта класс уҡыусылары өсөн робот техникаһы лабораториялары уңышлы эшләй.

Тантананан һуң Игорь Комаров менән Радий Хәбиров кластарҙы һәм мәктәп музейын ҡараны, шулай уҡ уҡыусылар менән аралашты.

Балалар уларға әлеге ваҡытта гимназияла тормошҡа ашырылған яңы мәғариф һәм ижади башланғыстар хаҡында һөйләне. Улар араһында — биш белем биреү йүнәлешен үҙ эсенән алған«Взлетай на пять!» проекты.

1 из 12

http://www.bashinform.ru/news/1347936-rukovoditel-bashkirii-i-polpred-prezidenta-rossii-pozdravili-shkolnikov-ufy-s-dnem-znaniy/

#белем көнө #радий хәбиров #игорь комаров

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.