Радий Хәбиров Урал аръяғы йәштәре менән асыҡтан-асыҡ һөйләште

Олег Яровиков

IMPORT Сервисный

ӨФӨ, 2019 йыл, 30 август. /«Башинформ» мәғлүмәт агентлығы, Азат Ғиззәтуллин/. Башҡортостан Башлығы вазифаһын ваҡытлыса башҡарыусы Радий Хәбиров үҙенең эш сәфәре барышында Йылайырҙа Урал аръяғы йәштәре активы менән осрашты.

Радий Хәбировтың әңгәмә башында уҡ белдереүенсә, уның өсөн 10 ай элек Башҡортостан Башлығы вазифаһын ваҡытлыса башҡарыусы итеп тәғәйенләнеү - ябай ғына тәғәйенләнеү түгел, ә республика халҡына хеҙмәт итеү мөмкинлеге.

«Мәскәүҙә эшләгән һәм йәшәгән йылдарҙа үҙ халҡыма хеҙмәт итеү, тыуған республикама бөтә көсөмдө биреү теләге ҙур ине. Ниһайәт, ошондай мөмкинлек тыуҙы. Минең өсөн төбәктең төп байлыҡтарының береһе – Башҡортостаныбыҙҙың барлыҡ халыҡтары араһында ныҡлы милләт-ара дуҫлыҡ», — тине ул.

Осрашыу барышында йәштәр үҙҙәрен ҡыҙыҡһындырған һорауҙар бирҙе, һөйләшеү бик йәнле барҙы.

Осрашыуҙа ҡатнашыусылар биләмәне үҫтереүҙең көнүҙәк мәсьәләләрен тикшерҙе. Улар араһында — ауыл хужалығына һәм эшҡыуарлыҡ башланғыстарына ярҙам итеү, яңы юлдар төҙөү һәм муниципаль-ара транспорт бәйләнешен тергеҙеү, ағас әҙерләү һәм тәбиғи таш сығарыу өлкәһендә тәртип урынлаштырыу, ҡаты коммуналь ҡалдыҡтарҙы сығарыуға бәйле хәлде яйға һалыу, эскелеккә ҡаршы көрәш, мәктәптә туҡланыуҙы ойоштороу, туған телде һаҡлау һәм үҫтереү, тренерҙарҙы спорт мәктәптәренә йәлеп итеү һәм башҡалар.

Бөгөнгө осрашыуҙа тикшерелгән барлыҡ мәсьәләләр мотлаҡ өйрәнелер, тип вәғәҙә итте республика етәксеһе.

1 из 8

«Һеҙ – Башҡортостандың киләсәге. Бөгөн асыҡтан-асыҡ һөйләшеүебеҙгә бик шатмын, – тине Радий Хәбиров. – Мин Башҡортостанға гәп һатырға һәм ресторандар буйлап йөрөргә ҡайтманым. Мин бында эш менән шөғөлләнәм. Нимәлер килеп сыға, нимәлер юҡ, ләкин мин һайлаған йүнәлешебеҙ республикаға файҙа килтерер тип ышанам. Барыһы ла тормошҡа ашыр!».

#радий хәбиров #йәштәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.