Башҡортостан һәм Өфө яңылыҡтары
92.75
0
100.44
0
81.68
-1.99
-24 °C
Болотло
Бөтә яңылыҡтар
Йәмғиәт
7 Август 2019, 13:12

Урал Искәндәров — Башҡортостандың тәбиғәттән файҙаланыу һәм экология министры вазифаһын башҡарыусы

ӨФӨ, 2019 йыл, 7 август. /«Башинформ» мәғлүмәт агентлығы, Гөлфиә Акулова/. Бөгөн Башҡортостандың Тәбиғәттән файҙаланыу һәм экология министрлығында яңы етәксе менән таныштырҙылар. Хәҙер министр вазифаһын Урал Искәндәров башҡара. Республика Башлығы вазифаһын ваҡытлыса башҡарыусы Радий Хәбиров тейешле указға ҡул ҡуйған.
Тәүҙә тәбиғәтте һаҡлау ведомствоһы етәксеһе вазифаһын Мирхәйҙәр Фәтҡуллин биләне. Ул был вазифаға http://www.bashinform.ru/news/1337886-i-o-ministra-prirodopolzovaniya-i-ekologii-bashkirii-stal-ural-iskandarov/">2018 йылдың ноябрендә тәғәйенләнгәйне. Ете ай үткәс, июлдә ул отставкаға китеү тураһында ғариза яҙҙы. Сәбәбе — Урал аръяғында төҙөлөш таштарын законһыҙ сығарыу өлкәһендә тәртип урынлаштырыуҙа эшләп еткермәү.
Белешмә. Урал Искәндәров 1966 йылдың 10 декабрендә Өфөлә тыуған. Башҡорт дәүләт университетын, Кубань дәүләт аграр университетын тамамлаған. Юридик фәндәр кандидаты. Хеҙмәт эшмәкәрлеген 1984 йылда «Волгоэлектросетьстрой» тресында монтажсы булып башлай. Эре панелле йорттар төҙөү тресының 2-се төҙөлөш идаралығы слесары, БАССР Дәүләт арбитражының хужалыҡ мөдире, Башҡортостан Республикаһы Арбитраж судының әйҙәүсе белгесе, артабан судьяһы булып эшләй.
Читайте нас в