81.14
0
Башҡортостан һәм Өфө яңылыҡтары
92.22
0
67.96
+2.11
19+ °C
Ясна
Бөтә яңылыҡтар
Йәмғиәт
19 Июль 2019, 09:14
Стәрлетамаҡ ЮХХДИ-һы янында ғәҙәти булмаған һәйкәл асылды
ӨФӨ, 2019 йыл, 19 июль. /«Башинформ» мәғлүмәт агентлығы/. Стәрлетамаҡ ҡаланының Геологтар урамында иҫтәлекле урын -постаментҡа ҡуйылған «Урал» мотоциклы асылды. Бындай техника элек Дәүләт автоинспекцияһының иң популяр транспорты булған.
Рәсәй Эске эштәр министрлығының Стәрлетамаҡ буйынса идаралығы хеҙмәткәре Дарина Горчакова һүҙҙәренә ҡарағанда бындай ғәҙәти булмаған һәйкәл ДАИ-ЮХХДИ барлыҡҡа килеүҙең сираттағы йыллығына арналды. СССР Эске эштәр министрлығының Дәүләт автомобиль инспекцияһы Халыҡ комиссарҙары советы ҡарары менән 1936 йылда булдырылған. Быйыл 3 июлдә хеҙмәт үҙенең 83-сө йыллығын билдәләне.
«Урал» мотоциклы менән иҫтәлекле урын асыу идеяһы йыл башында барлыҡҡа килгән. Бының кеүек ҡоролмалар республиканың һәм илдең күп кенә ҡалаларында бар, сират Стәрлетамаҡҡа ла килеп етте. Уны асыуҙа ветерандар йыйылды, үҙ сиратта, улар йәшлектәрен иҫләне, хәтирәләр менән бүлеште һәм ҡотлауҙар ҡабул итте.
«Ҡасандыр патруль инспекторҙары үҙ хеҙмәттәрен мотоциклдарҙа башҡарған. Улар сөм-һары төҫкә буялған, ГАИ яҙыуы һәм дәүләт гербы төшөрөлгән. ДАИ хеҙмәткәрҙәре мотоциклдарҙа йыл әйләнәһенә урамдарҙы тикшергән, кәрәккәндә хоҡуҡ боҙоусыларҙы эҙәрлекләгән.
Әле «Беҙҙең эштәр һәм батырлыҡтар онотолмаған», - тип айырыуса ветерандар ҡыуана.
Үткәндәрҙе хөрмәт итеп совет патруль мотоциклына һәйкәл барлыҡҡа килеүе үҙе айырым билдә булып тора. Тап ошондай техникаға ултыртып хулигандарҙы, янъял сығарыусыларҙы, иҫеректәрҙе тейәп йөрөткәндәр», — тип хәбәр итте ведомство вәкиле.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».