Төбәктә бал ҡорттары ҡырылыуының сәбәбе асыҡланды

«Башинформ» мәғлүмәт агентлығы

Розалиә Вәлиева

ӨФӨ, 2019 йыл, 16 июль. /«Башинформ» мәғлүмәт агентлығы, Розалиә Вәлиева/.«Лямбда-цигалотрин» һәм «Эсфенвалерат» тигән ағыулы химикаттар Башҡортостандың бер нисә районында бал ҡорттары ҡырылыуына сәбәпсе булған.

«Башинформ» агентлығына Ветеринария һәм фитосанитария күҙәтеүе буйынса федераль хеҙмәттең Башҡортостан Республикаһы буйынса идаралығы етәксеһе вазифаһын башҡарыусы Ришат Ҡотломәтов хәбәр итеүенсә, Стәрлетамаҡ районында үлгән бал ҡорттары өлгөһөндә Һарытау ветеринария лабораторияһы белгестәре ошо инсектицидтарҙың эҙен тапҡан.

«Шул уҡ ваҡытта умартасыларға культураларҙы эшкәртеүгә тиклем биш көн алдан иҫкәртеү, ел булмаған төндә һиптереү һәм эшкәрткәндән һуң ике көн бал ҡорттарын ояһынан сығармау кеүек инструкцияларҙы үтәгәндә был дарыуҙар бал ҡорттары өсөн хәүефһеҙ. Ошоноң береһе лә, күрәһең, эшләнмәгән», — тип хәбәр итте Ришат Ҡотломәтов.

Дарыуҙар пиретроидтар класына ҡарай, үҫемлектәрҙә 20-30 көн һаҡлана. Бал ҡортоноң нерв-паралитик һәм эсәк органдарына тәьҫир итә ала. Аталған инсектицидтарҙың Ҡытайҙа етештерелеүе билдәле.

2011 йылғаса инсектицидар әйләнешен һәм ҡулланыуҙы контролдә тотоу Ветеринария һәм фитосанитария күҙәтеүе буйынса федераль хеҙмәт контролендә була. Шунан һуң вәкәләттәр Ҡулланыусыларҙың хоҡуҡтарын яҡлау һәм кеше именлеге өлкәһендә күҙәтеү буйынса федераль хеҙмәткә тапшырыла, әммә белгестәр баҫыуҙарға сыҡмай, улар аҙаҡҡы продуктта химикаттарҙың эҙҙәрен генә контролдә тота. Шулай уҡ ҡулланыуҙы Тәбиғәттән файҙаланыу өлкәһендә күҙәтеү буйынса федераль хеҙмәттә күҙәтәләр.

Быға тиклем республиканың 10 районында бал ҡорттарының күпләп ҡырылыуы тураһында хәбәр ителде.

Башҡортостанда 335,9 мең бал ҡорто ғаиләһе иҫәпләнә, уларҙан ауыл хужалығы предприятиеларында – 9,6 мең, крәҫтиән-фермер хужалыҡтарында – 31,7 мең ғаилә, шәхси умартасылар 294,6 мең бал ҡорто ғаиләһе тота. Йыл һайын Башҡортостанда 12 мең тонна бал етештерелә.

http://www.bashinform.ru/news/1330904-stala-izvestna-prichina-gibeli-pchel-v-neskolkikh-rayonakh-bashkirii/

#умартасылыҡ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.