Белорет дауаханаһы баш табибы социаль селтәр аша хаҡлы ялдағы коллегаларын эшкә саҡырған

ӨФӨ, 2019 йыл, 16 июль. /«Башинформ» мәғлүмәт агентлығы/.

Башҡортостанда Белорет үҙәк район клиник дауаханаһы баш табибы Евгений Кустов хаҡлы ялдағы табиптарҙы үҙенә районға ауылдарҙа эшләргә саҡырып, «Фейсбук»тағы сәхифәһенә түбәндәгеләрҙе яҙған:

«Белорет үҙәк район клиник дауаханаһында беҙ йыш ҡына пенсиялағы табиптарҙы эште дауам итергә һорайбыҙ. Ни өсөн тигәндә был «ҡарт гвардия» амбициялы йәштәргә ҡарағанда бурысын яҡшыраҡ башҡара, йәшәү һәм эш тәжрибәһе лә байтаҡ. Уларға өлкән пациенттар ҙа нығыраҡ ышана. Шуға күрә лә был пост менән Өфөлә, Силәбелә, Екатеринбургта, Магнитогорскиҙа йәшәгән пенсия алды һәм хаҡлы ялдағы табиптарҙы ауыл дауаханаларына эшкә саҡырам», — тигән.

Артабан Евгений Кустов ҡаланан ауылға күсеп килеү өҫтөнлөктәре менән таныштырған:

— йәшәргә торлаҡ бирелә һәм киләсәктә фатир һорауын хәл итеүҙә ярҙам ителә;

— пенсиянан юғарыраҡ лайыҡлы эш хаҡы;

— ауылда өлкән йәштәге пациенттар күп, улар менән уртаҡ телде еңел табып була;

— «ҙур клиникала ярҙамсы хирург булғансы, Инйәрҙә беренсе (төп, хөрмәт ителгән) хирург булыу яҡшыраҡ»;

— эшкә йөрөгәндә йәмәғәт транспортында тығылып йөрөмәҫкә мөмкин.

«Беҙҙең район тәбиғәте республикала иң матуры тип һанала, шуға күрә лә балаларығыҙ ҙа ҡунаҡҡа йышыраҡ киләсәк, ейәндәрҙе каникулға ебәрәсәк, — тип яҙған баш табип. — Ауылдың тыныс тормошонда һеҙ ҙур ҡаланың стрестары тураһында онотасаҡһығыҙ, саф һауа һәм тәбиғи ашамлыҡтар һаулығығыҙ өсөн ҡулайлы буласаҡ».

Эш тип ҡыҙыҡһыныусылар Евгений Кустовҡа «Фейсбук»тағы сәхифәһендә хәбәр яҙа ала.

http://www.bashinform.ru/news/1330592-glavvrach-beloretskoy-bolnitsy-bashkirii-predlozhil-rabotu-vracham-pensioneram-cherez-sotsseti/

#медицина #работа

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.