Шаршамбы, 21 Октябрь 2026

Өфө

0 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Һуңғы яңылыҡтар

Төп бит/Йәмғиәт

22:40 (UTC+5), 08 Июль 2019

Радий Хәбиров: «Ғаилә – ул иң мөһиме»

Дмитрий Мөхәмәтҡолов

«Башинформ» мәғлүмәт агентлығы

ӨФӨ, 2019 йыл, 8 июль. /«Башинформ» мәғлүмәт агентлығы/.Бөгөн Бөрөлә Ғаилә, мөхәббәт һәм тоғролоҡ көнөнә арналған ҙур ғаилә фестивале уҙа.

Башҡортостан башлығы вазифаһын ваҡытлыса башҡарыусы Радий Хәбиров тантанаға тиклем һөнәрселәр күргәҙмәһе менән танышты, ҡалала йәшәүселәр менән аралашты. Республика етәксеһе Бөрө һәм Башҡортостан халҡын байрам менән ҡотланы һәм бөгөн ҡалала яңы йолаға нигеҙ һалыныуын билдәләне. Бынан алып йыл һайын 8 июлдә Бөрөлә Ғаилә, мөхәббәт һәм тоғролоҡ көнөнә арналған ҙур ғаилә фестивале уҙасаҡ.

«Ғаилә – ул иң мөһиме, тормош мәғәнәһе, ул беҙгә йәшәргә һәм эшләргә көс бирә. Бөрө халҡына беҙҙе ҡунаҡҡа саҡырғандары өсөн рәхмәтемде белдерәм. Был байрам яҡшы йолаға әүерелер, беҙ йыл һайын ошонда йыйылырбыҙ һәм Бөрө тағы ла матур, төҙөкләндерелгән ҡала булһын өсөн бергәләп эшләрбеҙ», — тине Радий Хәбиров.

Башҡортостан етәксеһенең хәләле Каринэ Хәбирова ла сараға йыйылғандарҙы Ғаилә, мөхәббәт һәм тоғролоҡ көнө менән тәбрикләне.

«Барыһына ла ғаиләләрендә бер-береһен һаҡлауҙарын, ғаиләләребеҙҙәге йылылыҡ яныбыҙҙағы, иғтибарға мохтаж башҡа кешеләргә лә өләшерлек булыуын теләйем. Бәхет һәм мөхәббәт һеҙгә», — тип билдәләне Каринэ Хәбирова.

Радий Хәбиров хәләле менән бергә республикалағы дүрт ғаиләгә «Ата-әсә ҡаһарманлығы» миҙалын тапшырҙы. Уларҙың һәр ҡайһыһы айырым, ҙур иғтибарға лайыҡ, сөнки был ғаиләләр ысын мөхәббәт һәм бер-береһенә тоғролоҡ символы булып тора. Бүләкләнгәндәр араһында – Стәрлетамаҡтан Айрат Ғабделхамат улы һәм Вәсилә Мостафа ҡыҙы Зариповтар ғаиләһе. Улар дүрт тапҡыр паралимпия чемпионы Ирек Зариповты тәрбиәләп үҫтергән.

«Ошондай көндө Башҡортостан етәксеһе ҡулынан бындай награданы алыу беҙҙең өсөн оло хөрмәт. Улыбыҙ беҙҙең өсөн – бөтә нәмә, республикабыҙҙы спорт ҡаҙаныштары менән танытҡаны өсөн шатбыҙ. Республиканың бөтә ғаиләләренә тик бәхет теләйбеҙ», — тип «Башинформ» агентлығына тәьҫораттары менән уртаҡлашты Вәсилә Мостафа ҡыҙы.

1 из 10

Мишкә районынан Андрей Мирхайдарович һәм Мария Яметовна Михайловтар ғаиләһе биш бала тәрбиәләп үҫтергән, уларҙың берәүһе – ҡышҡы уҙыш һәм биатлон буйынса ҡышҡы Паралимпия уйындары чемпионы Кирилл Михайлов. Бөрө районынан Федориндар ғаиләһе айырым алҡыштарға лайыҡ. Александр Федорович һәм Ирина Викторовна 11 бала тәрбиәләй, уларҙың икәүһе ҡарауға алынған. Көйөргәҙе районынан Константин Васильевич һәм Татьяна Геннадьевна Сергеевтар туғыҙ бала тәрбиәләй, шул иҫәптән өсөүһе үҙҙәренеке, өсәүһе уллыҡҡа алынған, өсәүһе опекаға алынған инвалид балалар.

Бөрө халҡын байрам менән Башҡортостан хөкүмәте вице-премьеры вазифаһын башҡарыусы Ленара Иванова ла ҡотланы. Ул 25 йыл һәм унан күберәк ғүмер иткән, ғәилә нигеҙенең ныҡлылыҡ өлгөһөн күрһәткән, йәмғиәткә лайыҡлы ағзалар тәрбиәләгән ғаиләләргә «Мөхәббәт һәм тоғролоҡ өсөн» миҙалдарын тапшырҙы. Ҡотлау һүҙҙәре менән республика халҡына «Рәсәй әсәләре» бөтә Рәсәй йәмәғәт хәрәкәте рәйесе Валентина Петренко, Рәсәйҙең паралимпия комитеты вице-президенты Рима Баталова һәм хәйриә фонды президенты, Рәсәй һыу аҫты йөҙөү ассоциацияһының почетлы президенты, СССР-ҙың атҡаҙанған спорт мастеры Шаварш Карапетян мөрәжәғәт итте.

http://www.bashinform.ru/news/1327749-radiy-khabirov-semya-eto-glavnoe-vo-imya-chego-my-zhivem/

#радий хәбиров #бөрө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.