80.86
0
Башҡортостан һәм Өфө яңылыҡтары
92.14
0
63.91
+1.07
10+ °C
Болотло
Бөтә яңылыҡтар
Йәмғиәт
28 Июнь 2019, 10:17
Башҡортостандан Илдар Ишекәев ер һөрөү буйынса Рәсәй чемпионаты финалы сыҡты
ӨФӨ, 2019 йыл, 28 июнь. /«Башинформ» мәғлүмәт агентлығы, Галина Бахшиева/. Башҡортостан механизаторы Илдар Ишекәев ер һөрөү буйынса VIII Асыҡ Рәсәй чемпионаты финалына сыҡты.
«Башинформ» агентлығы хәбәр иткәнсә, Мордовиялағы ярышта Мәләүез районынан Илдар Ишекәев, Стәрлетамаҡ районынан Римир Ғиззәтуллин, Бәләбәй механизациялау һәм электрлаштырыу колледжын тамамлаған Дарья Тураева ҡатнаша.
Бөтә Рәсәй чемпионатының һайлап алыу ярыштары барышында судьялар бураҙнаның тигеҙлеген, һөрөү тиҙлеген һәм тәрәнлеген баһаланы.
Һайлап алыу туры йомғаҡтары буйынса, Мәләүез районынан Илдар Ишекәев, 75 балл йыйып, чемпионаттың финалына сыҡты, тип хәбәр иттеләр Башҡортостан Ауыл хужалығы министрлығының матбуғат хеҙмәтенән.
Татарстан, Мордовия, Ленинград, Тверь, Иваново, Пенза, Орел, Волгоград өлкәләре һәм Ставрополь крайы механизаторҙары ла финалға үтте.
Илдең иң оҫта механизаторҙары ҡатнашҡан VIII Асыҡ Рәсәй чемпионатының финал ярыштары 28-29 июндә Горяновка ауылы янында уҙа.
Бөгөн механизаторҙар «Трактор-шоу»ҙа ла ҡатнаша.
Хәтерегеҙгә төшөрәбеҙ, бер йыл элек Суздалдә Мәләүез районынан Илдар Ишекәев ер һөрөү буйынса Асыҡ Рәсәй чемпионаты барышында уҙған «Трактор-шоу»ҙа трактор менән идара итеү оҫталығы буйынса иң яҡшыларҙың береһе булды. Ярыш йомғаҡтары буйынса ул дүртенсе урынды алды.
Ер һөрөү буйынса Рәсәй чемпионаттары 2012 йылдан алып уҙғарыла. Беренселек еңеүсеһе төп бүләккә һәм Рәсәй исеменән халыҡ-ара ярыштарҙа ҡатнашыу мөмкинлегенә эйә була.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».