Башҡортостан Башлығы призына көрәш буйынса турнир еңеүсеһе: «Бүләк тәүгеһе түгел, ә машина — тәүгеһе»

IMPORT Сервисный

ӨФӨ, 2019 йыл, 25 июнь. /«Башинформ» мәғлүмәт агентлығы, Галина Бахшиева/. «Бүләк тәүгеһе түгел, ә машина — тәүгеһе», — тине «Башинформ» агентлығы хәбәрсеһе менән һөйләшеүҙә Башҡортостандың Урал аръяғында ойошторолған беренсе Бөтә Рәсәй инвестиция һабантуйы барышында милли көрәш буйынса турнир еңеүсеһе Илфаҡ Ибәтуллин.

Хәтерегеҙгә төшөрәбеҙ, инвестиция һабантуйының эшлекле өлөшө 22 июндә Сибайҙа уҙҙы. Сараның төп маҡсаты – төбәккә инвестициялар йәлеп итеү. Унда 11 илдең вәкиле, дөйөм алғанда, 1,5 мең самаһы кеше ҡатнашты.

23 июндә күләмле форумда ҡатнашыусылар Башҡортостан халыҡтарының йолалары һәм ғөрөф-ғәҙәттәре менән яҡындан танышыу өсөн Әбйәлил районына һабантуйға юлланды.

Республика Башлығы призына милли көрәш буйынса турнир сағыу байрамдың төп биҙәге булды. Башҡортостандан тыш, Рәсәйҙең башҡа төбәктәренән, шулай уҡ Ҡырғыҙстандан һәм Тажикстандан иң көслө көрәшселәр Әбйәлил еренә йыйылды.

Еңеүсегә республика Башлығынан төп бүләк — «Лада Веста» автомобиле.

«Башинформ» мәғлүмәт агентлығы менән һөйләшеүҙә турнирҙың баш судьяһы, көрәш буйынса Башҡортостандың баш тренеры Ирәндек Байназаров билдәләүенсә, бәхәсле мәлдәр, судьяларҙың эшенә ҡәнәғәтһеҙлек белдергән спортсылар булманы. Барыһы ла юғары кимәлдә үтте.

«Һабантуйҙарҙа тәүге тапҡыр ҡатнашмайым, ваҡыты менән сығыш яһайым. Бер аҙна элек Өфө хакимиәте башлығы кубогында ла 60 килограмға тиклемге ауырлыҡ категорияһында еңеүсе булдым. Аҡсалата бүләк алдым. Шуға ла бүләк тәүгеһе түгел, ә машина — тәүгеһе», — тип һөйләне Илфаҡ Ибәтуллин «Башинформ» агентлығына.

Дөйөм алғанда, республика Башлығы призына турнирҙа 60, 70, 80, 90, 100 килограмға тиклемге һәм унан ашыуыраҡ ауырлыҡ категорияларында алты кеше еңеүсе булды. Улар араһында автомобилде лотереялағы кеүек уйнаттылар. Ауырлыҡ категорияһы яҙылған кубиктарҙы лототронға һалып әйләндерҙеләр. Һуңынан тамашасылар араһынан бер ҡыҙыҡай «60» һанлы кубикты тартып сығарҙы. Радий Хәбировтан аҡ «Лада Веста» Өфөләге 14-се спорт мәктәбенең грек-рим көрәше буйынса тренеры Илфаҡ Ибәтуллинға тапшырылды.

http://www.bashinform.ru/news/1323497-pobeditel-turnira-po-kuresh-na-priz-glavy-bashkirii-priz-ne-pervyy-a-mashina-pervaya/

#көрәш #илфаҡ ибәтуллин

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.