Башҡортостанда 18 уҡыусы профилле математиканы 100 балға тапшырған

Олег Яровиков

ӨФӨ, 2019 йыл, 11 июнь. /«Башинформ» мәғлүмәт агентлығы, Гөлфиә Акулова/. Башҡортостанда 18 уҡыусы профилле математиканы 100 балға яҙған, тип хәбәр иттеләр «Башинформ»ға республика Мәғариф министрлығынан. Былтыр ошо фәндән йөҙ балл алыусылар өсәү ине.

Профилле математиканы бөтәһе 11 083 уҡыусы тапшырған.

Өфөнән — 11, Стәрлетамаҡтан — 2, Октябрьскийҙан — 3, Нефтекаманан 2 ун беренсе класс уҡыусыһы имтиханда юғары балл алған.

Дөйөм алғанда, быйыл Рәсәйҙә профилле математика буйынса уртаса балл уҙған йылға ҡарағанда күпкә юғарыраҡ, тип белдерә Рособрнадзор. Хәтерегеҙгә төшөрәбеҙ, 2019 йылда математика буйынса имтихан өлөшөндә яңы ҡағиҙәләр ғәмәлдә. Ун беренсе кластар берҙәм дәүләт имтиханының бер генә кимәлен һайлаған — базалы йәки профилле. Уҙған йылдарҙа сығарылыш уҡыусыларының базалы һәм профилле кимәлдәрҙе тапшырыу мөмкинлеге бар ине.

Бынан алда агентлыҡ базалы математика, география һәм әҙәбиәт буйынса берҙәм дәүләт имтиханы һөҙөмтәләрен хәбәр итте. Өс меңдән ашыу кеше базалы математиканы «яҡшы» билдәһенә тапшырған. Әҙәбиәттән һынау тотоусылар араһында — ике, ә географиянан өс уҡыусы йөҙ балл йыйған.

27 майҙа илдә берҙәм дәүләт имтихандарының төп тулҡыны башланды. Имтихандар 1 июлгә тиклем бара. Башҡортостанда берҙәм дәүләт имтиханының төп осоронда 19 787 сығарылыш уҡыусыһы ҡатнаша.

http://www.bashinform.ru/news/1318420-v-bashkirii-profilnuyu-matematiku-na-100-ballov-sdali-18-vypusknikov-/

Теги:бди-2019

Читайте нас в

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2022 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».