Республика етәксеһе һабантуйҙарҙа алкоголдән тулыһынса баш тартырға тәҡдим итте

Олег Яровиков

IMPORT Сервисный

ӨФӨ, 2019 йыл, 27 май. /«Башинформ» мәғлүмәт агентлығы, Галина Бахшиева/. Башҡортостан Башлығы вазифаһын ваҡытлыса башҡарыусы Радий Хәбиров йоланы боҙоп, һабантуйҙарҙы спиртлы эсемлекһеҙ уҙғарырға тәҡдим итте.

«Башинформ» агентлығы хәбәр иткәнсә, 30 майҙа республика Дәүләт Йыйылышы – Ҡоролтай депутаттары Башҡортостан ҡалаларында һәм ауылдарында һабантуй көндәрендә алкоголь һатыуҙы сикләүгә йүнәлтелгән закон проектын ҡарай.

Шулай уҡ Йәштәр көнөндә (27 июндә), Белем көнөндә (1 сентябрҙә, әгәр 1 сентябрь йәкшәмбегә тура килһә, 2 сентябрҙә), республиканың һәр районында айырым бер көндә үткәрелгән һабантуй халыҡ байрамында спиртлы эсемлек һатыуҙы тыйырға тәҡдим ителә.

«Ябай булмаған ҡарар, — тип белдерҙе Радий Хәбиров республика Хөкүмәтендәге оператив кәңәшмәлә. — Был ҡарарҙы яҡлаусылар ҙа, ҡаршылар ҙа бар. Әммә республикала йәшәүселәрҙең күбеһе халыҡ байрамын тыныс шарттарҙа үткәреү яҡлы: спорт ярыштары, мәҙәни саралар, шуға күрә Дәүләт Йыйылышына шундай ҡарар ҡабул итеү тәҡдимен индерәбеҙ».

Республика етәксеһе әйтеүенсә, һабантуйҙың ыңғай һәм кире яҡтары ла бар. Һәр предприятие, хужалыҡ сәсеү эштәренең тамамланыуы уңайынан тирмә ҡора һәм йола буйынса ҡунаҡтарҙы һыйлай башлай.

«Әйҙәгеҙ, ҡунаҡтарҙы алкоголһеҙ эсемлек менән һыйлау йолаһын башлайыҡ, — тип тәҡдим итте Хәбиров. — Беҙҙең сикләүҙәр бөтәһенә лә: халыҡҡа ла, чиновниктарға ла, етәкселәргә лә ҡағыла. Юғиһә беҙ ошо идеяны юҡҡа сығарырбыҙ, ниәт изге, һаулыҡҡа һәм именлеккә йүнәлтелгән».

Хәтерегеҙгә төшөрәбеҙ, быйыл яҙ Башҡортостан ҡалаларында һәм райондарында бутлегерҙар менән көрәшкә йүнәлтелгән бик күп сходтар уҙҙы. Радий Хәбиров фекеренсә, алкоголдең законһыҙ әйләнешенә ҡаршы көрәш даими булырға тейеш.

«Әгәр беҙ бының менән даими шөғөлләнһәк, пропаганда эшен алып барһаҡ, әлеге күренеште еңергә мөмкин», — тигән ышаныс белдерҙе Башҡортостан етәксеһе.

http://www.bashinform.ru/news/1312514-rukovoditel-bashkirii-predlozhil-ugoshchat-gostey-na-sabantuyakh-bez-alkogolya/

#радий хәбиров #алкоголде тыйыу #һабантуй

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.