Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
22 Май 2019, 15:23

Республикала йәшәүселәр һаулыҡ һаҡлау системаһына аҙыраҡ зарлана башлаған

Олег Яровиков
Олег Яровиков
ӨФӨ, 2019 йыл, 22 май. /«Башинформ» мәғлүмәт агентлығы/. 2019 йылдың тәүге дүрт айында Башҡортостанда «Инцидент» системаһы белгестәре социаль селтәрҙә һаулыҡ һаҡлау системаһы буйынса 706 яҙма һәм 752 мөрәжәғәтте эшкәрткән. Был турала «Һаулыҡ һаҡлау сәғәте» кәңәшмәһендә республика башлығы вазифаһын ваҡытлыса башҡарыусы хакимиәте ҡарамағындағы социаль селтәрҙә халыҡтың мөрәжәғәттәре буйынса эшсе төркөм етәксеһе Елена Прочаковская хәбәр итте.
«2018 йылдың дүртенсе кварталы менән сағыштырғанда, ялыуҙар һаны аҙайған: яҙма мөрәжәғәттәр – 92-гә, социаль селтәр аша – 234-кә. Был саралар комплексы эше тураһында һөйләй», — тип билдәләне Прочаковская.
Төбәктә йәшәүселәр йышыраҡ мөрәжәғәт иткән темалар араһында беренсе урында — табиптарҙың етешмәүе (бигерәк тә тар йүнәлешле белгестәр), икенселә — табипҡа яҙылыуға бәйле проблемалар, өсөнсөлә – тулы булмаған күләмдә медицина ярҙамы күрһәтеү. Ялыуҙар буйынса лидерҙар – Өфөлә, Стәрлетамаҡта, Туймазы, Учалы һәм Белорет райондарында, Нефтекамала, Күмертауҙа, Салауатта йәшәүселәр.
Читайте нас: