Башҡортостан һәм Өфө яңылыҡтары
91.35
+0.02
99.11
+0.38
82.64
-0.16
-13 °C
Болотло
Бөтә яңылыҡтар
Йәмғиәт
22 Май 2019, 17:34

Быйыл республикала йәйге лагерҙарҙа һәм шифаханаларҙа 390 меңдән ашыу бала ял итә

ӨФӨ, 2019 йыл, 22 май. /«Башинформ» мәғлүмәт агентлығы/. Башҡортостандың йәйге һәм мәктәп лагерҙары, шифаханалар каникулдар осоронда 390 меңдән ашыу баланы ял иттереүгә һәм һауыҡтырыуға ҡабул итергә әҙер (бөтә уҡыусыларҙың 83%). Был хаҡта Хөкүмәттәге кәңәшмәлә һаулыҡ һаҡлау министры вазифаһын башҡарыусы Максим Забелин белдерҙе. Ошо маҡсатҡа 1 миллиард 833 миллион 770 мең һум бүленгән. Шуның 1,5 миллиард һумдан ашыуы – республика ҡаҙнаһынан һәм 272,2 миллион һумы – муниципаль бюджеттарҙан.
Республика Хөкүмәтендә билдәләүҙәренсә, балалар өсөн 2 652 ойошма әҙерләнгән: 1407-һе – мәктәп яны лагеры, 110-ы – ҡала ситендә, 985-е – хеҙмәт һәм ял лагеры, 27-һе – балалар шифаханаһы, 37-һе – палаткалы лагерь, 85-е – профилле лагерь.
Башҡортостан Һаулыҡ һаҡлау министрлығы етәксеһе һүҙҙәренсә, бер балаға йәйге ял һәм һауыҡтырыу юлламаһының уртаса хаҡы төбәк ҡаҙнаһына 17 мең һумға төшә.
Читайте нас в